पत्नीने दिली सुपारी, मुलीची साथ, भाचाने केली हत्या; रस्ते अपघाताचा बनाव उघडकीस
crime news : मेहसाणा येथे सुरुवातीला रस्ता अपघात वाटणाऱ्या प्रकरणाने तपासादरम्यान धक्कादायक वळण घेतले. पोलिसांनी पत्नी, मुलगी आणि सख्ख्या भाच्यावर हत्येचा कट रचल्याचा आरोप करत तिघांना अटक केली आहे.
ADVERTISEMENT
बातम्या हायलाइट
पत्नीने दिली सुपारी, मुलीची साथ, भाचाने केली हत्या
रस्ते अपघाताचा बनाव उघडकीस
Crime News : गुजरातमधील मेहसाणा जिल्ह्यात घडलेल्या एका रस्ता अपघाताच्या तपासाने धक्कादायक वळण घेतले आहे. सुरुवातीला हा प्रकार साधा अपघात असल्याचे मानले जात होते, मात्र सीसीटीव्ही फुटेज आणि इतर तांत्रिक पुरावे समोर आल्यानंतर पोलिसांनी हा अपघात नसून नियोजित हत्या असल्याचा दावा केला आहे. या प्रकरणात मेडिकल स्टोअर चालवणारे विनोदभाई पटेल यांचा मृत्यू झाल्यानंतर पोलिसांनी सखोल तपास सुरू केला. या तपासात विनोदभाई यांच्या पत्नी रीटाबेन, मुलगी आणि सख्खा भाचा विमल पटेल यांनी मिळून हत्येचा कट रचल्याचा आरोप करण्यात आला असून तिघांनाही अटक करण्यात आली आहे.
हेही वाचा : नवऱ्याचा खून, रक्ताच्या थारोळ्यात मुलगा; मन सुन्न करणारा घटनेचा थरार
विनोदभाई यांच्या हालचालींवर लक्ष ठेवणारी कार
पोलिसांनी दिलेल्या माहितीनुसार, विनोदभाई पटेल हे विजापूर येथे मेडिकल स्टोअर चालवत होते. नेहमीप्रमाणे दुकान बंद करून ते अॅक्टिव्हावरून घरी जात असताना आनंदपुरा चौकाजवळ एका कारने त्यांना जोरदार धडक दिली. या धडकेत त्यांचा जागीच मृत्यू झाला. सुरुवातीला हा रस्ता अपघात असल्याचे दिसत होते. मात्र परिसरातील सीसीटीव्ही फुटेज तपासल्यानंतर संबंधित कार केवळ घटनेच्या दिवशीच नव्हे, तर त्याआधी अनेक दिवस विनोदभाई यांच्या हालचालींवर लक्ष ठेवत असल्याचे पोलिसांच्या निदर्शनास आले. त्यामुळे हा अचानक झालेला अपघात नसून पूर्वनियोजित कट असल्याचा संशय अधिक बळावला.
हेही वाचा : बस स्टँडवरुन अपहरण, नंतर सामूहिक बलात्कार, 30 वर्षीय महिलेसोबत काय घडलं?
