पुण्यात भंगार चोरण्यासाठी आलेल्या चोरांना नागरिकांकडून बेदम मारहाण, एका चोराचा मृत्यू

Pune Crime :पुण्यातील चंदननगर परिसरात चोरीसाठी आलेल्या तीन चोरांना नागरिकांनी पकडून बेदम मारहाण केली. मात्र, यावेळी एक धक्कादायक घटना घडलीये. या मारहाणीत एका चोराचा जागीच मृत्यू झाला असून, दोघे गंभीर जखमी आहेत. नवाज इम्तियाज खान (वय 26, रा. भवानी पेठ, मूळ बेंगळुरू) असं मारहाणीत मृत्यू झालेल्या चोराचं नाव आहे. जखमींची नावे हमीद अबजल मोहम्मद (वय 20) आणि हमीद अबजल अहमद (वय 19) अशी आहेत. दोघांवर ससून रुग्णालयात उपचार सुरू आहेत.