Rohit Pawar: "बारामतीत पडतोय पैशांचा पाऊस", अजित पवारांवर स्फोटक आरोप
Rohit Pawar On Ajit Pawar : Baramati Lok Sabha : रोहित पवार यांनी रात्री ट्वीट करत लिहिलं आहे की, 'पुणे जिल्हा मध्यवर्ती बँकेच्या वेल्हे शाखेतील घड्याळ बहुतेक बंद पडलंय. आता रात्रीचे 12 वाजले तरी बँक सुरू आहे. कदाचित उद्या मतदानामुळे आज रात्रभर ओव्हर टाईम सुरू असावा.'
ADVERTISEMENT
बातम्या हायलाइट
रोहित पवार यांचा नेमका आरोप काय?
'जनशक्ती ही शरद पवार, सुप्रिया सुळेंच्या बाजूने तर धनशक्ती...'
रोहित पवारांच्या आरोपांवर अजित पवार बरसले!
Rohit Pawar On Ajit Pawar : Baramati Lok Sabha : लोकसभा निवडणूक 2024 चे आज (7 मे) महाराष्ट्रात तिसऱ्या टप्प्यातील मतदान होत आहे. सकाळी 7 वाजल्यापासून मतदानाला सुरूवात झालेली आहे. 11 मतदारसंघात होणाऱ्या या मतदानात सर्वात चर्चेचा मतदारसंघ ठरतोय तो म्हणजे बारामती. सुप्रिया सुळेंविरूद्ध सुनेत्रा पवार लोकसभा निवडणूक लढवत आहेत. आता ही भावकीतील लढत पाहणं रंजक ठरणार आहे. अशात मतादानाच्या आदल्या रात्री बारामतीत राडा झाला आहे. रोहित पवारांनी काका अजित पवारांवर गंभीर आरोप केला आहे. (Baramati Lok Sabha Election 2024 Rohit Pawar's serious allegations against Ajit Pawar of Money was distributed for voting by PDCC bank)
रोहित पवार यांचा नेमका आरोप काय?
रोहित पवार यांनी रात्री ट्वीट करत लिहिलं आहे की, 'पुणे जिल्हा मध्यवर्ती बँकेच्या वेल्हे शाखेतील घड्याळ बहुतेक बंद पडलंय. आता रात्रीचे 12 वाजले तरी बँक सुरू आहे. कदाचित उद्या मतदानामुळे आज रात्रभर ओव्हर टाईम सुरू असावा.'
हेही वाचा: 'अजितदादाने आताच मिशा काढल्या पाहिजेत', श्रीनिवास पवारांचं चॅलेंज
त्यानंतर रोहित पवार यांनी व्हिडीओही शेअर केले आहेत. 'बारामती मतदारसंघात चक्क पोलीस ‘बंदोबस्तात’ पडतोय पैशांचा पाऊस. यासंदर्भात भोर तालुक्यातील काही व्हिडीओ शेअर करतोय. यामध्ये भोर तालुक्यातील ‘अजितदादा मित्रमंडळा’चा पदाधिकारी आणि मावळमधील एका नेत्याचे कार्यकर्तेही दिसता आहेत, यासाठीच पाहीजे होती का 'Y' दर्जाची सुरक्षा?' असा सवाल करत रोहित पवारांनी अजित पवारांवर टीकास्त्र सोडले.
'जनशक्ती ही शरद पवार, सुप्रिया सुळेंच्या बाजूने तर धनशक्ती...'
सकाळी पुन्हा माध्यमांशी बोलताना आमदार रोहित पवार म्हणाले की, 'किती पैसा वाटला तरी जनता आमच्या सोबत आहे. बारामतीत काही ठिकाणी अडीच हजारांपासून पाच हजारांपर्यंत पैसे वाटप केले जात आहे. पीडीसीसी बँक गरीबाला 5 वाजता बंद होते. परंतु पैसे वाटण्यासाठी रात्री 1-2 पर्यंत सुरू राहते. पीडीसीसी बँक, कर्मचारी आणि झेड सिक्युरिटीचा वापर केला गेला. पोलिसांच्या गाडीचा पैशासाठी वापर झाला पण अनेक ठिकाणी लोकांनी पैसे नाकारले. ही लढाई जनशक्तीविरुद्ध धनशक्ती झालीय. जनशक्ती ही शरद पवार, सुप्रिया सुळेंच्या बाजूने तर धनशक्ती ही अजित पवारांच्या बाजूने', असा टोलाही यावेळी त्यांनी लगावला.
हे वाचलं का?
