ही लढाई शरद पवार विरुद्ध अजित पवार नाही, तर... -देवेंद्र फडणवीस

सुनेत्रा पवार यांनी उमेदवारी अर्ज दाखल केले. यावेळी झालेल्या सभेत देवेंद्र फडणवीस म्हणाले, "ही लढाई शरद पवार विरुद्ध अजित पवार अशी नाही. ही लढाई सुनेत्रा ताई विरुद्ध सुप्रिया ताई नाही. कारण ही लोकसभेची निवडणूक आहे. ग्रामपंचायत किंवा जिल्हा परिषदेची, विधानसभेची निवडणूक नाहीये."

शरद पवार, सुप्रिया सुळे नेते बनणार नाहीत -फडणवीस

"ही निवडणूक देशाचा नेता निवडण्याची आहे. कुणाच्या हातात देश द्यायचा याचा निर्णय करण्याची ही निवडणूक आहे. या निवडणुकीने शरद पवार, सुप्रिया ताई हे नेते बनणार नाहीत. या निवडणुकीने अजित पवार उपमुख्यमंत्र्यांचे केंद्रात जाणार नाही. या निवडणुकीत एवढंच पाहायचे आहे की, बारामतीचा खासदार हा मोदीजींच्या बाजूने उभा राहतो की, राहुल गांधींच्या बाजूने उभा राहतो", असे सांगत फडणवीसांनी सुनेत्रा पवारांच्या प्रचाराचं रणशिंग फुंकलं.

 "विकासाला मत द्यायचं आहे की, विनाशाला मत द्यायचं आहे, हा निर्णय तुम्हाला करायचा आहे. या निवडणुकीत वेगवेगळे नरेटिव्ह सेट करण्याचा प्रयत्न होईल. वेगवेगळ्या भावना सेट करायचा प्रयत्न होईल. आपल्याला विचलित व्हायचं नाहीये, मोदींना मतदान करायचं आहे. मोदींना मतदान करण्यासाठी सुनेत्रा ताईंना निवडून द्या", असे फडणवीस म्हणाले.

सुनेत्रा पवारांच्या उमेदवारी अर्ज भरताना कुणी काय केलं भाषण... पहा व्हिडीओ