“कुठलाही राजमुकुट काटेरी असतो..” क्वीन एलिझाबेथ यांच्या निधनानंतर राज ठाकरेंची पोस्ट

Queen Elizabeth : सात दशकांचा गौरवशाली प्रवास इतिहासजमा, कशी होती क्वीन एलिझाबेथ यांची कारकीर्द?

मनसे अध्यक्ष राज ठाकरेंची क्वीन एलिझाबेथ यांच्याविषयीची पोस्ट

अशात मनसेचे अध्यक्ष राज ठाकरे यांनी क्वीन एलिझाबेथ द्वितीय यांच्याबाबत एक पोस्ट लिहिली आहे. कुठलाही राजमुकुट हा काटेरी असतो तो कमालीचा एकटेपणा घेऊन य़ेतो असं म्हणत राज ठाकरे यांनी क्वीन एलिझाबेथ यांच्या कारकिर्दीचं कौतुक केलं आहे. त्यांची ही पोस्ट चर्चेत आहे.

काय आहे राज ठाकरे यांची पोस्ट?

ब्रिटनच्या महाराणी एलिझाबेथ द्वितीय ह्यांचं निधन झालं. ७० वर्षे त्या ब्रिटनच्या महाराणी पदावर होत्या. ही ७० वर्षे कुठली? तर जगभरातून राजेशाही संपुष्टात आलेली असताना, जगभरात लोकशाहीचे वारे वेगाने वाहत असतानाची ७० वर्षे. युरोपमधली अनेक राजघराणी ही रक्तरंजित क्रांतींनी उलथवून टाकली गेली. पण ब्रिटनची राजेशाही टिकली ती ब्रिटिशांचा त्यांच्या परंपरांविषयी असलेला कमालीचा अभिमान आणि बदलाचे वारे समजून घेत हस्तिदंती मनोऱ्यातून बाहेर येण्याची तयारी, कधी नाईलाजाने तर कधी आनंदाने दाखवलेल्या राणीमुळे, म्हणजे अर्थात क्वीन एलिझाबेथ २ ह्यांच्यामुळे.