महाराष्ट्रात दिवसभरात 5 हजारांपेक्षा जास्त Corona रूग्ण बरे, 100 मृत्यूंची नोंद
महाराष्ट्रात दिवसभरात 5 हजार 811 नवे रूग्ण बरे झाले आहेत. महाराष्ट्रात आजपर्यंत एकूण 61 लाख 95 हजार 744 कोरोना बाधित रूग्ण बरे होऊन घरी गेले आहेत. यामुळे राज्यातील रूग्ण बरे होण्याचे प्रमाण अर्थात रिकव्हरी रेट 96.86 टक्के इतके झाले आहे. आज महाराष्ट्रात 4 हजार 145 नवीन रूग्णांचे निदान झाले आहेत. राज्यात आज 100 कोरोना रूग्णांच्या […]
ADVERTISEMENT
महाराष्ट्रात दिवसभरात 5 हजार 811 नवे रूग्ण बरे झाले आहेत. महाराष्ट्रात आजपर्यंत एकूण 61 लाख 95 हजार 744 कोरोना बाधित रूग्ण बरे होऊन घरी गेले आहेत. यामुळे राज्यातील रूग्ण बरे होण्याचे प्रमाण अर्थात रिकव्हरी रेट 96.86 टक्के इतके झाले आहे. आज महाराष्ट्रात 4 हजार 145 नवीन रूग्णांचे निदान झाले आहेत. राज्यात आज 100 कोरोना रूग्णांच्या मृत्यूंची नोंद झाली आहे. सध्या राज्यातील मृत्यूदर हा 2.11 टक्के इतका झाला आहे.
सध्या राज्यात 3 लाख 53 हजार 129 व्यक्ती होम क्वारंटाईन आहेत. तर 2530 व्यक्ती संस्थात्मक क्वारंटाईनमध्ये आहेत. राज्यात आज घडीला 62 हजार 452 सक्रिय रूग्ण आहेत. आज महाराष्ट्रात 4 हजार 145 नवीन रूग्णांची नोंद झाली आहे. त्यामुळे राज्यातील एकूण रूग्णांची संख्या 63 लाख 96 हजार 805 इतकी झाली आहे.
महाराष्ट्रात डेल्टा प्लस व्हेरिएंटचे 10 नवे रूग्ण
महाराष्ट्रात कोरोनाच्या डेल्टा प्लस या व्हेरिएंटचे आणखी 10 रूग्ण आढळले आहेत. त्यामुळे आता महाराष्ट्रातील डेल्टा प्लस रूग्णांची संख्या ही 76 झाली आहे. महाराष्ट्रात आढळलेल्या डेल्टा प्लस रूग्णांमध्ये कोल्हापूर 6, रत्नागिरी 3, सिंधुदुर्ग 1, या रूग्णांचा समावेश आहे. आत्तापर्यंत आढळलेल्या 76 पैकी पाच रूग्णांचा मृत्यू झाला आहे अशी माहिती आरोग्य विभागाने दिली आहे.
हे वाचलं का?
