Chandrakant Patil: ‘अरे नाना पटोल्या…’, मंत्री चंद्रकांत पाटलांचा तोल ढळला
Chandrakant Patil Vs Nana Patole: मुंबई: राज्याचे उच्च आणि तंत्रशिक्षण मंत्री चंद्रकांत पाटील यांनी दोन दिवसांपूर्वी महापुरुषांबाबत केलेल्या वादग्रस्त वक्तव्यामुळे अडचणीत सापडले आहेत. त्यांच्या वादग्रस्त विधानावरुन विरोधक त्यांच्यावर सडकून टीका करत आहेत. असं असताना चंद्रकांत पाटलांचा पुन्हा एकदा तोल ढासळल्याचं पाहायला मिळालं आहे. अतिशय आक्रस्ताळेपणानं चंद्रकांत पाटलांनी काँग्रेसचे प्रदेशाध्यक्ष नाना पटोले यांचा एकेरी उल्लेख करत […]
ADVERTISEMENT
Chandrakant Patil Vs Nana Patole: मुंबई: राज्याचे उच्च आणि तंत्रशिक्षण मंत्री चंद्रकांत पाटील यांनी दोन दिवसांपूर्वी महापुरुषांबाबत केलेल्या वादग्रस्त वक्तव्यामुळे अडचणीत सापडले आहेत. त्यांच्या वादग्रस्त विधानावरुन विरोधक त्यांच्यावर सडकून टीका करत आहेत. असं असताना चंद्रकांत पाटलांचा पुन्हा एकदा तोल ढासळल्याचं पाहायला मिळालं आहे. अतिशय आक्रस्ताळेपणानं चंद्रकांत पाटलांनी काँग्रेसचे प्रदेशाध्यक्ष नाना पटोले यांचा एकेरी उल्लेख करत त्यांना प्रयुत्तर दिलं आहे. जाणून घ्या नेमकं काय घडलं. (minister chandrakant patils tongue slipped patil did nana patoles mentioned in singular)
‘भाऊराव पाटील, आंबेडकर, फुलेंनी शाळा सुरु करताना लोकांकडे भीक मागितलेली…’
दोन दिवसांपूर्वी चंद्रकांत पाटील पैठणमध्ये एका कार्यक्रमात म्हणाले होते की, ‘आपल्याला संत विद्यापीठ सुरु करायचं असेल तर सरकार नक्की मदत करतील. मी आणि संदीपान भुमरे अशा चांगल्या कामाला मुख्यमंत्री आणि उपमुख्यमंत्र्यांकडे गेलो तर पैशांची कमतरता येणार नाही.’
‘पण माझं म्हणणं आहे की सरकारवर अवलंबून का राहता? या देशात शाळा कोणी सुरु केल्या? शाळा कर्मवीर भाऊराव पाटील, डॉक्टर बाबासाहेब आंबेडकर, महात्मा ज्योतिबा फुले यांनी शाळा सुरू केल्या. या सगळ्यांनी शाळा सुरु करताना सरकारनं त्यांना अनुदान दिलं नाही. त्यांनी लोकांकडं भीक मागितली. मला शाळा चालवतोय, पैसे द्या.’ हे विधान करताना चंद्रकांत पाटील यांनी गळ्यातील उपरणं पुढे पसरून दाखवलं.
हे वाचलं का?
