‘हीच जागा योग्य होती, पण…’; अमित शाहांचं विधान ऐकून अजित पवारांनी जोडले हात
केंद्रीय गृहमंत्री अमित शाह यांनी उपमुख्यमंत्री आणि राष्ट्रवादीचे (अजित पवार गट) अजित पवार यांचे भाजप-शिवसेना युतीत स्वागत केले. निर्णय घेण्यास उशीर केला, असेही शाह यावेळी म्हणाले.
ADVERTISEMENT
Amit Shah : उपमुख्यमंत्री बनल्यानंतर अजित पवार आणि केंद्रीय गृह तथा सहकार मंत्री अमित शाह एका मंचावर दिसले. अजित पवार यांच्या भाजपसोबत येण्याच्या निर्णयाचं शाहांनी स्वागत केले. यावेळी शाहांनी स्मित हास्य करत केलेले विधान ऐकून अजित पवारांनी हात जोडत आभार मानले. (Union home minister Amit Shah welcomed the decision of ajit pawar to join in Shiv sena bjp alliance)
केंद्रीय सहकार संस्था निबंधक कार्यालयाच्या डिजिटल पोर्टलचे उद्घाटन केंद्रीय सहकारमंत्री अमित शाह यांच्या हस्ते झाले. अमित शाहांनी सहकार विभागाच्या माध्यमातून सहकार चळवळीला बळकट करण्याचा मानस व्यक्त केला.
आपल्या भाषणाच्या सुरूवातीलाच अमित शाह यांनी अजित पवार यांच्या भाजप-शिवसेना युतीत येण्याच्या निर्णयावर भाष्य केलं. अमित शाह यांनी अजित पवारांना योग्य ठिकाणी बसला आहात, असं विधान केले.
वाचा >> अमित शाह पुण्यात आल्यानंतर अजित पवारांनी कसं केलं कौतुक?
शाह म्हणाले, “अजितदादा उपमुख्यमंत्री बनल्यानंतर पहिल्यांदा आले आहेत. आणि मी पहिल्यांदा त्यांच्यासोबत कार्यक्रमामुळे एका मंचावर आलोय. मी त्यांना सांगू इच्छितो की, खूप काळानंतर तुम्ही योग्य जागी बसला आहात. हीच जागा योग्य होती, पण तुम्ही खूप वेळ लावला”, असे विधान शाहांनी केले.
हे वाचलं का?
