BMC: ठाकरेंना आणखी एक धक्का, माजी महापौर किशोरी पेडणेकरांवर गुन्हा दाखल
कोविड सेंटर घोटाळा प्रकरणी आता मुंबईच्या माजी महापौर किशोरी पेडणेकर यांच्यावर गुन्हा दाखल करण्यात आला आहे. मु्ंबईतील आग्रीपाडा पोलीस ठाण्यात किशोरी पेडणेकर यांच्यावर गुन्हा दाखल झाला आहे.
ADVERTISEMENT
कोविड सेंटर घोटाळा (covid center scam) प्रकरणी आता ठाकरे गटाला मोठा धक्का बसला आहे.ठाकरे गटाच्या नेत्या आणि मुंबईच्या माजी महापौर किशोरी पेडणेकर (kishori pednekar) यांच्यावर गुन्हा दाखल करण्यात आला आहे. मु्ंबईतील आग्रीपाडा पोलीस ठाण्यात किशोरी पेडणेकर यांच्यावर गुन्हा दाखल झाला आहे. आर्थिक गुन्हे शाखेने केलेल्या चौकशीत किशोरी पेडणेकर दोषी आढळल्यानंतर त्यांच्यावर गुन्हा दाखल करण्यात आल्याची प्राथमिक माहिती आहे. किशोरी पेडणेकर यांच्यासह महापालिकेच्या दोन वरिष्ठ अधिकाऱ्यांवरही गुन्हा दाखल करण्यात आला आहे.या घटनेने किशोरी पेडणेकर यांच्या अडचणी वाढल्या आहेत, त्याचसोबत ठाकरे गटाला हा मोठा धक्का मानला जात आहे. (covid center scam Case bmc former mayor kishori pednekar case has been registered in police station)
मुंबईच्या आर्थिक गुन्हे शाखेकडून कोविड सेंटर घोटाळ्याची (covid center scam) चौकशी केली जात होती. या प्रकरणात आर्थिक गुन्हे शाखेने केलेल्या प्राथमिक चौकशीनंतर आता मुंबईच्या माजी महापौर किशोरी पेडणेकर (kishori pednekar) यांच्यावर आग्रीपाडा पोलीस ठाण्यात गुन्हा दाखल करण्यात आला आहे. किशोरी पेडणेकर यांच्याविरोधात फसवणूक आणि गैरव्यवहाराचा गुन्हा नोदवण्यात आला आहे.किशोरी पेडणेकर यांच्यासह मुंबई महापालिकेतील दोन वरिष्ठ अधिकाऱ्यांवर देखील गुन्हा दाखल करण्यात आला आहे. कोविड सेंटर प्रकऱणी हे गुन्हे दाखल झाले आहे. त्यामुळे किशोरी पेडणेकरांच्या अडचणी वाढल्या आहेत.
सुजित पाटकरला अटक
दरम्यान याआधी 20 जुलैला कोव्हिड घोटाळा प्रकरणी शिवसेना (UBT) नेते संजय राऊत यांचे निकटवर्तीय असलेले सुजित पाटकर यांना अंमलबजावणी संचलनालयाकडून (ED)अटक करण्यात आली. साधारण एक महिन्यापूर्वी ईडीने मुंबईत 15 ठिकाणी छापेमारी केली होती. ज्यामध्ये शिवसेना (UBT) पक्षाचे सचिव सूरज चव्हाण यांची देखील चौकशी झाली होती. त्याचबरोबर सुजीत पाटकर यांची देखील चौकशी झाली होती. सुजित पाटकर यांची ईडीने दोनदा चौकशी केली होती. आता ईडीकडून ही कारवाई अधिक तीव्र होताना दिसत आहे.
ठाकरेंना अडचणीत आणणारे प्रकरण काय?
कोरोनाचा प्रादुर्भाव झाल्यानंतर बृहन्मुंबई महापालिकेने जम्बो कोविड केंद्र सुरु केले. हे कोविड सेंटर वैद्यकीय क्षेत्रातील संस्थांना चालवण्याचे कंत्राट दिले होते. त्यातीलच एक नाव म्हणजे लाईफलाईन हॉस्पिटल मॅनेजमेंट सर्व्हिसेस! याच कंपनीवर भाजपचे माजी खासदार किरीट सोमय्या यांनी गंभीर आरोप केले होते.
हे वाचलं का?
