राहुल गांधी लोकसभेत कधी दिसणार, शिक्षेला स्थगिती पण खासदारकी कुठे अडकलीये?
पावसाळी अधिवेशनाचा हा शेवटचा आठवडा आहे. याआधीच राहुल गांधींना सर्वोच्च न्यायालयाकडून दिलासा मिळाला आहे. त्यामुळेच राहुल गांधी संसदेत परत यावेत यासाठी काँग्रेसने पूर्ण जोर लावला आहे.
ADVERTISEMENT
Rahul Gandhi Membership Lok Sabha : मोदी आडनाव बदनामी प्रकरणात राहुल गांधींना दिलासा मिळाला. सुप्रीम कोर्टाने सत्र न्यायालयाने सुनावलेल्या शिक्षेला स्थगिती दिली. त्यामुळे राहुल गांधींच्या खासदारकीचा मार्ग मोकळा झाला, पण ते लोकसभेत कधी परतणार? हा प्रश्न उपस्थित होतोय. यावरून काँग्रेसचे अध्यक्ष मल्लिकार्जून खरगे यांनीही विधान केलं. “बघुयात राहुल गांधींचे संसद सदस्यत्व किती दिवसांत बहाल होते ते”. काँग्रेसने हा मुद्दा उचलून धरला आहे आणि सातत्याने प्रश्न विचारत आहे, तसेच केंद्र सरकारवर या प्रकरणात विनाकारण दिरंगाई केल्याचा आरोपही काँग्रेसकडून केला जातोय, पण नेमकं अडलं काय हे जाणून घेणं महत्त्वाचं आहे.
राहुल गांधी लोकसभेत कधी पोहोचणार?
सुप्रीम कोर्टाने शिक्षेला स्थगिती दिली. काँग्रेसकडून जल्लोष करण्यात आला, पण मुद्दा हाच आहे की, राहुल गांधी लोकसभेत कधी दिसणार? संसद सदस्यत्व कधी बहाल केले जाणार? म्हणजेच काँग्रेस नेते राहुल गांधींना पुन्हा खासदार म्हणून सभागृहात कधी पोहोचणार? कारण मणिपूर हिंसाचारावरून काँग्रेसने अविश्वास प्रस्ताव आणलेला आहे. त्यावर चर्चा करण्याची संधी राहुल गांधींना मिळू शकते, अशीही शक्यता वर्तवली जात आहे. प्रस्तावावर चर्चा 8 ऑगस्टपासून सुरू होणार आहे.
राहुल गांधींच्या खासदारकीचं कुठे अडलंय घोडं?
पण, राहुल गांधींचा संसदेत जाण्याचा मार्ग तितकासा सोपा दिसत नाही. राहुल गांधींनी लवकर सभागृहात परतावे, अशी नव्याने स्थापन झालेल्या इंडिया आघाडीचीही इच्छा आहे. यासाठी काँग्रेस खूप प्रयत्न करत आहे, मात्र त्यांच्या प्रयत्नांना यश येताना दिसत नाहीये. त्यामुळे भाजप आणि केंद्र सरकार म्हणजेच सत्ताधारी पक्ष या प्रकरणात जाणीवपूर्वक दिरंगाई करत असल्याचा आरोप केला जात आहे.
वाचा >> Sharad Pawar vs Ajit Pawar : जयंत पाटील खरंच अमित शाहांना भेटले का?
काँग्रेसला या प्रकरणात तातडीने कार्यवाही होण्याची आशा आहे. कारण राहुल गांधी सोमवार किंवा मंगळवारपर्यंत सभागृहात परतावे अशी त्यांची इच्छा आहे. परंतु अलिकडील इतर सदस्यत्वाच्या प्रकरणांचा इतिहास पाहिल्यास असे दिसून येते नाही की कोणत्याही खासदार किंवा आमदाराच्या शिक्षेला स्थगिती दिल्यानंतर सदस्यत्व लगेच बहाल केले गेले.
हे वाचलं का?
