Sharad Pawar : पवारांच्या मनधरणीचे प्रयत्न, वायबी सेंटरला काय सुरूये?
यशवंतराव चव्हाण सेंटरला राष्ट्रवादीची बैठक सुरू असल्याचे वृत्त काही माध्यमांनी दिलं होतं. मात्र, याबद्दल राष्ट्रवादी काँग्रेसचे ज्येष्ठ नेते छगन भुजबळ यांनी माहिती दिली.
ADVERTISEMENT
सिल्व्हर ओक आणि यशवंतराव चव्हाण सेंटर या मुंबईतील दोन्ही ठिकाणी वेगाने घडामोडी घडत आहेत. शरद पवारांनी पक्षाध्यक्ष पदावरून निवृत्त होण्याचा निर्णय जाहीर केल्यापासून राष्ट्रवादी काँग्रेसमध्ये भूकंप आला असून, सध्या शरद पवारांनी निर्णय मागे घ्यावा, यासाठी नेत्यांकडून मनधरणीचे प्रयत्न सुरू आहेत. दरम्यान, यशवंतराव चव्हाण सेंटर येथे नेमकं काय सुरू आहे, याबद्दल पक्षाच्या नेत्यानेच माहिती दिली.
मुंबईतील यशवंतराव चव्हाण सेंटरमध्ये नेत्यांची लगबग वाढली आहे. शरद पवार यांनी पक्षाध्यक्षपदाचा राजीनामा देण्याचा निर्णय मागे घ्यावा, यासाठी मंगळवार (2 एप्रिल) दुपारपासून मनधरणीचे प्रयत्न पक्षातील काही नेत्यांकडून केले जात आहे.
यशवंतराव चव्हाण सेंटरला काय घडतंय?
यशवंतराव चव्हाण सेंटरला राष्ट्रवादीची बैठक सुरू असल्याचे वृत्त काही माध्यमांनी दिलं होतं. मात्र, याबद्दल राष्ट्रवादी काँग्रेसचे ज्येष्ठ नेते छगन भुजबळ यांनी माहिती दिली.
भुजबळ म्हणाले, “आज कुठलीही नेत्यांची बैठक किंवा समितीची बैठक किंवा साहेबांनी जाहीर केलेल्या नावांची बैठक आज बोलावण्यात आलेली नाही. आमचे काही सहकारी, काही बाजार समितीच्या कामासंदर्भात, साखर कारखान्यासंदर्भात किंवा इतर तातडीच्या कामासंदर्भात मुंबईच्या बाहेर आहेत.”
हे वाचलं का?
