Devendra Fadnavis : 'तुम्ही लाचार म्हणूनच अजित पवारांसोबत...', काँग्रेस-भाजपमध्ये संघर्षाचा भडका
Nana Patole Criticize Devendra Fadnavis, Congress Vs Bjp : फडणवीस यांना जनाची नाही तर मनाची लाज वाटली पाहिजे, माणूस आणि कुत्र्यातला फरक जर राज्याच्या गृहमंत्र्यांना कळत नसेल तर त्यांनी राजीनामा दिला पाहिजे अशी मागणी काँग्रेस प्रदेशाध्यक्ष नाना पटोले (Nana Patole) यांनी केली होती.
ADVERTISEMENT
Nana Patole Criticize Devendra Fadnavis, Congress Vs Bjp : फडणवीस यांना जनाची नाही तर मनाची लाज वाटली पाहिजे, माणूस आणि कुत्र्यातला फरक जर राज्याच्या गृहमंत्र्यांना कळत नसेल तर त्यांनी राजीनामा दिला पाहिजे अशी मागणी काँग्रेस प्रदेशाध्यक्ष नाना पटोले (Nana Patole) यांनी केली होती. या मागणीनंतर भाजपने देवेंद्रजींवर (Devendra Fadnavis) टीका करण्यापूर्वी स्वतःची कारकीर्द तपासावी. अशी टीका पटोलेंवर केली होती. या टीकेवर आता काँग्रेसने पलटवार करत देवेंद्र फडणवीसांना डिवचलं आहे. त्यामुळे भाजप आणि काँग्रेसमध्ये संघर्ष पेटलाय. (abhishek ghosalkar murder nana patole criticize bjp devendra fadnavis congress vs bjp maharashtra politics)
नाना पटोलेंनीं देवेंद्र फडणवीस यांच्या राजीनाम्याची मागणी केली होती. यावर भापजने नाना पटोलेंना प्रत्युत्तर दिले आहे.
महाराष्ट्र भाजपचे ट्विट जशाच तसं
हे वाचलं का?
ADVERTISEMENT
नाना पटोले तुम्हाला देवेंद्र फडणवीसजींवर टीका करण्याचा अधिकार नाही, कारण तुमचं मविआ सरकार असताना त्यावेळचे गृहमंत्री काय करत होते? त्यांना तुरुंगात जावं लागलं, 100 कोटी वसुली, ॲंटलिया बाँब प्लॅंट प्रकरण, वाझे की लादेन, मनसुख हिरेन प्रकरण महाराष्ट्रातील जनता अजूनही विसरलेली नाही.
आमचे नेते देवेंद्र जी फडणवीस हे सक्षम आणि कर्तव्यदक्ष गृहमंत्री आहेत. कुत्रा आणि माणूस याचा फरक त्यांना कळतो पण तुम्हाला फडणवीस द्वेषाचा कावीळ झाल्यामुळे तुम्हाला तो फरक कळणार नाही.
ADVERTISEMENT
महाराष्ट्रात लाचार, हतबल आणि निष्क्रीयतेचं सर्वोत्तम उदाहरण तुम्ही आहात. प्रदेशाध्यक्ष झाल्यापासून काँग्रेसची झालेली लाचारी आणि हतबलता लोक बघत आहेत. बाकी तुमच्या अकार्यक्षमतेबद्दल काँग्रेसच्या नेत्यांनीच अनेकवेळा दिल्लीत जाऊन सांगितलंय. देवेंद्रजींवर टीका करण्यापूर्वी स्वतःची कारकीर्द तपासा, म्हणजे कळेल.
ADVERTISEMENT
महाराष्ट्र काँग्रेसचे एक्सवरून प्रत्युत्तर
फडणवीस जी, नाना पाटोले स्वाभिमानी आहेत, म्हणून तुमच्या शेतकरीविरोधी धोरणाला विरोध करून खासदारकीच्या खुर्चीला लाथ मारून पंतप्रधानांच्या तोंडावर राजीनामा फेकून आले. आणि तुम्ही सत्तेसाठी लाचार आहात म्हणूनच ज्या अजित पवारांवर संपूर्ण आयुष्यभर भ्रष्टाचाराचे आरोप केले, त्यांच्याच मांडीला मांडी लावून दादा-दादा करत खुर्च्या उबवत बसला आहात.
तुम्ही लाचार आहात म्हणूनच मुख्यमंत्री पद दिले नाही तरी उपमुख्यमंत्री बनून बसला आहात. तुम्ही अकार्यक्षम आणि हतबल आहात म्हणूनच पोलीस स्टेशनमध्ये गोळीबार करणा-या आमदार गणपत गायकवाडला पक्षातून निलंबीत करू शकत नाहीत.
तुम्ही निष्क्रीय आहात म्हणूनच दादर पोलीस स्टेशनमध्ये गोळीबार करणा-या आमदार सदा सरवणकर यांच्यावर कारवाई करू शकला नाहीत. तुम्ही सत्तेचे लालची आहात म्हणूनच वेषांतर करून रात्रभर आमदार फोडत फिरत होतात.
ADVERTISEMENT