Devendra Fadanvis : '48 हजार कोटी रूपयांपर्यंतचे शेतकऱ्यांचे बिल माफ', मुख्यमंत्र्यांची घोषणा

हे ही वाचा : मुंबईतील कोस्टल रोडच्या बोगद्यात कारला भीषण आग, Video व्हायरल

मुख्यमंत्र्यांची मोठी घोषणा 

मुख्यमंत्र्यांच्या सत्कार समारंभ सोहळ्यात त्यांनी शेतकऱ्यांच्या कर्जाबाबत मोठी घोषणा केली आहे. 'साडे सात हजार पर्यंतच हॉस्पवारचं बिल जे थकीत आहे ते 48 हजार कोटी रूपयांपर्यंतचे शेतकऱ्यांचे बिल माफ करणार', अशी घोषणा केली. या घोषणेनं शेतकऱ्यांना मोठा दिलासा मिळणार आहे. एवढंच नसून शेतकऱ्यांना दिवसा पूर्ण वेळ शेतीसाठी वीज मिळणार आहे, यामुळे शेतकऱ्यांना मोठा फायदा होईल. 

गावातील शेतीची करून दिली आठवण 

मुख्यमंत्र्यांनी केलेल्या या घोषणेनंतर शेतकरी वर्गात आनंदाचं वातावरण आहे. उपस्थित शेतकऱ्यांनी जल्लोष साजरा केला. यावेळी बोलताना त्यांनी त्यांच्या गावातील शेतीबाबत सांगितलं की, 'आमच्या गावी देखील वडिलोपार्जित शेती आहे. गावात गेला तर तिथे तुम्हाला धनाची शेती केलेली आढळून येईल. मी वर्षातील तीन महिने गावात असायचो. माझे वडील हे शेतकरीच होते, त्यामुळे मला हे सर्व माहिती आहे. आमच्याकडे बगीचा होता, त्यात सर्व प्रकारच्या भाज्या लावल्या जात होत्या.' 

हे ही वाचा : भाजपसोबत गेल्यावर अर्थमंत्रीपद मिळणार का? जयंत पाटलांनी स्पष्टच सांगितलं

'मी शेतात गेलेलो आहे, शेती बघितलेली आहे. मी हे सर्व लहानपणापासून पाहत आलेलो आहे, त्यामुळे एका रुममध्ये बसून निर्णय घेणारा मी नाहीये,' असं म्हणत त्यांनी राजकीय नेत्याचं नाव न घेता मिश्कील टोला लगावला.