Exclusive: 'माझा एन्काउंटरवर विश्वास नाही, पण...', अक्षय शिंदे चकमकीवर फडणवीसांचं मोठं विधान

इंडिया टुडे कॉन्क्लेव्हमध्ये देवेंद्र फडणवीस बदलापूर चकमकीबाबत नेमकं काय म्हणाले?

1. प्रश्न: अक्षय शिंदे याच्या एन्काउंटर प्रकरणी कोर्टात जी सुनावणी झाली त्यावेळी कोर्टाने तुमच्या सरकारला खडे बोल सुनावले आहेत. याशिवाय अनेक प्रश्नही उपस्थित केले आहेत. काही लोकं या एन्काउंटरने खुश आहेत. पण अनेक जण असेही आहेत की ज्यांना अशा पद्धतीने झालेलं एन्काउंटर आवडलेलं नाही. तुम्ही कसं बघता या सगळ्याकडे. 

देवेंद्र फडणवीस: पहिली गोष्ट ही आहे की, माझा एन्काउंटरवर विश्वास नाही. एन्काउंटरवर आम्ही विश्वास ठेवतच नाही. माझं असं म्हणणं आहे की, कोणत्या न्यायप्रक्रियेत कायदा पाळला गेलाच पाहिजे. त्यानुसारच जो गुन्हेगार आहे त्या गुन्हेगाराला शिक्षा झाली पाहिजे.. हो ती शिक्षा वेळेत मिळाली पाहिजे.

हे ही वाचा>> India Today Conclave: ' NCP ला सोबत घेणं आमच्या मतदारांना अजिबात आवडलं नाही', फडणवीस हे काय बोलून गेले

या केसच्या चौकशीमध्ये येईल की, बंदूक का काढली.. बंदूक हातात कशी गेली हे सगळं चौकशीत येईलच. पण जर एखादा गुन्हेगार बंदूक खेचून आमच्या पोलिसांवर गोळ्या झाडतोय तर आमचे पोलीस काय टाळ्या वाजवत बसणार नाही.