Narendra Modi: चार भाऊ आणि एक बहीण, कसा आहे मोदींचा परिवार?
नरेंद्र मोदी मुख्यमंत्री असतानाही आणि पंतप्रधान झाल्यानंतरही मोदींचे चार भाऊ आणि एक बहीण ही जनसामान्य माणसांसारखीच जीवन जगत होती. पंतप्रधान झाल्यानंतर ते कधी त्यांच्या भावांना त्यांच्या बहिणीला कधी भेटले आहेत का, ते कधी आपल्या भावांबरोबर बोलतात का असे अनेक प्रश्न सामान्य माणसांना पडत असतात.
ADVERTISEMENT
बातम्या हायलाइट
मोदींचे चार भाऊ, एकुलती एक बहीण नेमकं करतात काय?
मोदींचं खरं कुटुंब आहे कुठं आणि करतं काय?
PM Narendra Modi: लोकसभा निवडणुकीचा (Lok sabha Election 2024) अजून कोणताही दिवस निश्चित झाला नाही, मात्र त्याआधीच राजकीय वाद उफाळून आले आहेत. त्यातच भाजपने सोमवारपासून लोकसभा निवडणुकीच्या पार्श्वभूमीवर आताच्या प्रचाराला नव्याने सुरुवात झाली आहे. या प्रचारामुळे आता अनेक केंद्रीय मंत्री आणि भाजप (BJP) नेत्यांनी त्यांच्या सोशल मीडियावरील अकाऊंटवरील बायोमध्ये बदल केला आहे. तर काही नेत्यांनी आपल्या नावापुढं आता 'मोदी का परिवार' असं वाक्य जोडले आहेत.
बिहारचे माजी मुख्यमंत्री लालू प्रसाद यादव यांनी पंतप्रधान नरेंद्र मोदी यांच्यावर वैयक्तिक टीका केली होती, त्यावेळेपासून त्यांनी हे कम्पेन सुरु केले आहे. लालू प्रसाद यादव यांनी पाटण्यातील सभेत बोलताना आणि त्यांच्यावर टीका करताना त्यांनी म्हटले आहे की, मोदींना कुटुंबच नाही. त्यांच्या त्या वक्तव्याला प्रत्त्युत्तर देताना मोदींनी त्यांना म्हणाले की, 140 कोटी देशवासीय हेच माझे कुटुंब असल्याचा त्यांनी पलटवार केला होता.
मोदी का परिवार
लालू प्रसाद यादवांच्या त्या टीकेनंतर भाजपने सोमवारी ‘मोदी का परिवार’ हे कम्पेन सुरु केले आहे. आतापर्यंत केंद्रीय गृहमंत्री अमित शाह, भाजपचे राष्ट्रीय अध्यक्ष राजनाथ सिंह आणि पक्षाच्या सर्व बड्या नेत्यांनी त्यांच्या एक्स-प्रोफाइलमध्ये त्यांच्या नावापुढे 'मोदींचे कुटुंब' असे शब्द जोडले आहेत.
भाजपने 'मोदी का परिवार' हे कॅम्पेन सुरु केले असले तरी तुम्हाला हे माहिती आहे का, नरेंद्र मोदी यांच्या कुटुंबामध्ये नेमकं कोण कोण सदस्य आहेत. पंतप्रधान नरेंद्र मोदींचे वडील दामोदरदास मूलचंद मोदी यांचे लग्न हीरा बा यांच्याबरोबर झाले होते. त्यांना 6 अपत्य होती. नरेंद्र मोदी हे तिसऱ्या क्रमांकाचे त्यांचे अपत्य. सोमभाई, अमृतभाई, प्रल्हादभाई, वासंतीबेन आणि पंकजभाई ही त्यांची उरलेली मुले. पंतप्रधान नरेंद्र मोदी यांच्या वासंतीबेन या एकुलत्या एक बहीण आहेत.
हे वाचलं का?
