No-Confidence Motion: ‘मोदीजी, तुम्ही मणिपूरमध्ये भारताची हत्या केली’, राहुल गांधींनी लोकसभा हादरवली!

राहुल गांधींनी भाषणाची सुरुवात आपल्या भारत जोडो यात्रेच्या अनुभवाने केली. पण त्यांचा संबंध त्यांनी मणिपूरमध्ये सध्या जी हिंसा सुरू आहे त्याच्याशी जोडत मोदी सरकारवर टीकेची झोड उठवली.. त्यांच्या या भाषणाने त्यांनी लोकसभा अक्षरश: हादरवून सोडली.

‘मोदीजी तुम्ही भारतमातेची हत्या केली..’

मणिपूरमध्ये बोलताना राहुल गांधी म्हणाले की, ‘भारत हा एक आवाज आहे.. जर आपल्याला तो आवाज ऐकायचा असेल तर.. आपल्याला अंहकार आणि द्वेष मिटवावा लागेल.. काही दिवसांपूर्वीच मी मणिपूरला गेलो.. आपले पंतप्रधान नाही गेले.. आजवर गेलेले नाही.. कारण त्यांच्यासाठी मणिपूर हा हिंदुस्तान नाहीए. मी मणिपूर शब्दप्रयोग केला.. पण आजचं सत्य हे आहे की, मणिपूर शिल्लक राहिलेलं नाही.. मणिपूरला आपण दोन भागात विभागलं आहे, तोडलं आहे..’

हे ही वाचा >> No-Confidence Motion: ‘…तर मी तुमची औकात काढेल’, राणेंनी लोकसभेत का वापरले असे शब्द?

‘मी मणिपूरमध्ये मदत छावणीमध्ये गेलो.. मी महिलांशी बोललो, मुलांशी बोललो.. जे आपले पंतप्रधानांनी नाही केलं.. मी अनेक महिलांशी तिथे बोललो.. पण मी दोन उदाहरणं देतो.. एका महिलेला मी विचारलं की, तुमच्यासोबत काय झालं? ती महिला म्हणाली, माझा एकच छोटा मुलगा होता. माझ्या डोळ्यासमोर त्याला गोळी घातली. आपण विचार करा.. आपल्या मुलांबाबत विचार करा..’