Pankaja Munde : 'तुम्हाला मुंडे साहेबांची शपथ...', पंकजा मुडेंची भावनिक साद
Pankaja munde emotional post : माझ्यासाठी मरण्यापेक्षा आपल्या उद्देशासाठी जगा...आई बापाला दुःख देऊ नका..त्यांच्या जीवाला घोर लावू नका.. तुम्हाला शप्पथ आहे..मुंडे साहेबांची... 15 जून पासून मी आभार दौरा करत आहे ...तो पर्यंत सर्व जण प्रतिक्षा करा..., अशी भावनिक पोस्ट पंकजा मुंडे यांनी केली आहे.
ADVERTISEMENT
Pankaja munde emotional post : बीड लोकसभा मतदार संघात शरद पवारांच्या राष्ट्रवादीचे उमेदवार बजरंग सोनवणे (Bajarang Sonwane) यांनी भापजच्या राष्ट्रीय सचिव पंकजा मुंडे (Pankaja Munde) यांचा पराभव केला होता. पंकजा मुंडेंचा हा पराभव अनेक कार्यकर्ते, समर्थकांना जिव्हारी लागला आहे. त्यात दोन कार्यकर्त्यांना पंकजा मुंडे यांचा पराभव इतका जिव्हारी लागला की त्यांनी आयुष्य संपवलं आहे. या घटनेनंतर आता पंकजा मुंडे यांनी सोशल मीडियावर पोस्ट लिहत कार्यकर्यांना भावनिक साद घातली आहे. (pankaja munde emotional post on social media supporter sachin munde died beed lok sabha election result)
पंकजा मुंडे यांनी एक्स या सोशल मीडिया प्लॅटफॉर्मवर पोस्ट लिहली आहे. या पोस्टमध्ये त्यांनी काय लिहले आहे? हे जाणून घेऊयात.
पंकजा मुंडेंची पोस्ट जशीच्या तशी...
स्वतः च्या जीवाला धक्का तोच लावेल ज्याला माझ्यावर प्रेम किंवा श्रद्धा नाही...मी लढत आहे संयम ठेवत आहे...तुम्हीही सकारात्मकता दाखवा आणि संयमाने रहा.कोणी माझ्यासाठी जीव देणे कळतेय का किती कठीण आहे माझ्यासाठी? मला प्रचंड अपराधी आणि दुःखी वाटत आहे...मी पराभव स्वीकारला आहे आणि पचवला आहे, तुम्ही ही पचवा!! ..अंधाऱ्या रात्री नंतर सुंदर प्रकाश असतो तुम्ही माझ्या जीवनातील प्रकाश आहात.. शांत व सकारात्मक रहा please please..
हे ही वाचा : पुण्याचा माजी महापौरांची मोदींच्या मंत्रिमंडळात एन्ट्री, मुरलीधर मोहोळांचा राजकीय प्रवास
माझ्या साठी मरण्यापेक्षा आपल्या उद्देशासाठी जगा...आई बापाला दुःख देऊ नका..त्यांच्या जीवाला घोर लावू नका.. तुम्हाला शप्पथ आहे..मुंडे साहेबांची... 15 जून पासून मी आभार दौरा करत आहे ...तो पर्यंत सर्व जण प्रतिक्षा करा..., अशी भावनिक पोस्ट पंकजा मुंडे यांनी केली आहे.
हे वाचलं का?
