Pankaja Munde : पंकजा मुंडे खासदार होणार? भाजपमध्ये हालचाली सुरू
Pankaja Munde BJP : बीड लोकसभा मतदारसंघातून पराभूत झालेल्या पंकजा मुंडे यांना संसदेत पाठवण्याच्या हालचाली भाजपमध्ये सुरू झाल्या आहेत.
ADVERTISEMENT
बातम्या हायलाइट
पंकजा मुंडे यांना राज्यसभेवर पाठवण्याची महाराष्ट्र भाजपची विनंती
विधानसभा निवडणुकीच्या पार्श्वभूमीवर सामाजिक समीकरणांची बेरीज
देवेंद्र फडणवीस यांनी भाजप नेत्यांकडे मागणी केल्याची माहिती
Pankaja Munde Latest News : लोकसभा निवडणुकी बीड मतदारसंघातून पराभूत झालेल्या पंकजा मुंडे यांना संसदेत पाठवण्याच्या हालचाली भाजपमध्ये सुरू झाल्या आहेत. राज्यातील भाजपचे महत्त्वाचे नेते देवेंद्र फडणवीस यांनी पंकजा मुंडे यांना राज्यसभेत पाठवण्यात यावे, अशी मागणी भाजप पक्षश्रेष्ठींकडे केली आहे. सकाळ वृत्तपत्राने यासंदर्भात वृत्त दिले आहे. भाजपने राज्यसभेत पाठवले, तर पंकजा मुंडेंचं खासदारकीची इच्छा पूर्ण होऊ शकते. (Pankaja Munde is likely to be sent to Rajya Sabha by BJP)
पंकजा मुंडे या ओबीसी समाजाचा चेहरा आहे. त्यांना राज्यसभेवर पाठवा अशी मागणी देवेंद्र फडणवीस यांनी भाजपच्या केंद्रीय नेत्यांकडे केली आहे, अशी माहिती सूत्रांनी दिली.
लोकसभेला पराभव, राज्यसभेवर वर्णी?
बीड लोकसभा मतदारसंघातून भाजपने यावेळी प्रीतम मुंडे यांच्याऐवजी पंकजा मुंडे यांना उमेदवारी दिली होती. पंकजा मुंडे यांचा राष्ट्रवादी काँग्रेस शरदचंद्र पवार पक्षाचे बजरंग सोनवणे यांनी पराभव केला. हा पराभव पंकजा मुंडेंच्या समर्थकांच्या जिव्हारी लागल्याचे दिसत आहे. या पराभवानंतर काही जणांनी आत्महत्याही केल्या.
हेही वाचा >> भाजपसमोर मोठा 'पेच'! एकनाथ शिंदे-अजित पवार करणार का 'त्याग'?
ओबीसी समाजाचा चेहरा असलेल्या पंकजा मुंडे यांना आता राज्यसभेवर पाठवण्याच्या हालचाली भाजपमध्ये सुरू झाल्या असल्याची माहिती सूत्रांनी दिली.
हे वाचलं का?
