पाटण्यातील विरोधकांच्या बैठकीआधीच आप-काँग्रेसचं बिनसलं, काय टाकली अट?
आम आदमी पार्टीचे म्हणणे आहे की, काँग्रेसने दिल्लीतील अधिकारांबद्दल केंद्र सरकारने काढलेल्या अध्यादेशाच्या मुद्द्यावर पाठिंबा न दिल्यास पक्ष विरोधी पक्षाच्या बैठकीवर बहिष्कार टाकेल.
ADVERTISEMENT
Opposition Meeting in Patna : नितीश कुमार यांनी शुक्रवारी 23 जून रोजी पाटणा येथे विरोधी पक्षाची बैठक बोलावली आहे. पण, बैठकीच्या एक दिवस आधीच काँग्रेस आणि आपमध्ये शिलगली आहे. त्यामुळे विरोधकांच्या ऐक्याआधीच फुटीची चिन्हे दिसू लागली आहे. दिल्ली, पंजाबमध्ये सत्तेत असलेल्या आम आदमी पक्षाने काँग्रेसला अल्टिमेटम दिला आहे. दिल्लीतील अधिकाराबद्दलच्या केंद्राच्या अध्यादेशाविरोधी भूमिकेला काँग्रेसने पाठिंबा न दिल्यास पक्ष विरोधी बैठकीवर बहिष्कार टाकेल, असा इशारा आपने दिला आहे.
सूत्रांनी दिलेल्या माहितीनुसार, आम आदमी पार्टीचे म्हणणे आहे की, काँग्रेसने दिल्लीतील अधिकारांबद्दल केंद्र सरकारने काढलेल्या अध्यादेशाच्या मुद्द्यावर पाठिंबा न दिल्यास पक्ष विरोधी पक्षाच्या बैठकीवर बहिष्कार टाकेल.
केंद्राचा वटहुकुम, आपचे विरोधकांना साकडे
केंद्र आणि दिल्ली सरकारमध्ये अधिकारांवरून बराच संघर्ष सुरू आहे. नुकताच दिल्लीतील केजरीवाल सरकार विरुद्ध लेफ्टनंट गव्हर्नर खटल्यात सर्वोच्च न्यायालयाने दिल्ली सरकारच्या बाजूने निर्णय दिला होता. यामध्ये निवडून आलेल्या सरकारला अधिकाऱ्यांच्या बदल्या-पोस्टिंगचे अधिकार देण्यात आले. यानंतर केंद्र सरकारने ‘राष्ट्रीय राजधानी नागरी सेवा प्राधिकरण’ स्थापन करण्याचा अध्यादेश आणला आहे. हा अध्यादेश जारी झाल्यापासून केजरीवाल देशभरातील विरोधी नेत्यांच्या भेटी घेत त्यांचा पाठिंबा मिळवण्यासाठी प्रयत्न करत आहेत.
हेही वाचा >> Darshana Pawar : ‘डिलिव्हरी बॉय’चे काम करून MPSCची तयारी; राहुल हंडोरे इतका क्रूर का झाला?
या अध्यादेशाचे कायद्यात रुपांतर करण्यासाठी सहा महिन्यांत संसदेची मंजूरी आवश्यक आहे. केंद्र सरकारकडे बहुमत असल्याने ते लोकसभेत सहज मंजूर होणार आहे. पण, राज्यसभेत विरोधी पक्ष एकत्र आल्यास आकड्यांच्या खेळात भाजपचा पराभव होऊ शकतो, अशी केजरीवाल यांना आशा आहे.
हे वाचलं का?
