Vidhan Parishad Election : ठाकरेंच्या खेळीने मोठा ट्विस्ट! 'या' नेत्याला तिकीट

विधान परिषद निवडणुकीत महायुतीकडे 9 उमदेवार निवडून आणण्यासाठी आवश्यक असणारे आमदारांचे संख्याबळ आहे. दुसरीकडे महाविकास आघाडीकडे दोन उमेदवार निवडून येतील इतकेच संख्याबळ आहे. असे असताना महाविकास आघाडीने आता तीन उमेदवार उतरवले आहेत. 

हेही वाचा >> शिंदेंचे उमेदवार ठरले! 'हे' दोन नेते आमदार होणार

महाविकास आघाडीतील काँग्रेसने प्रज्ञा सातव यांना पुन्हा एकदा उमेदवारी दिली आहे. तर शरद पवारांच्या राष्ट्रवादी काँग्रेसने शेतकरी कामगार पक्षाचे नेते जयंत पाटील यांना पाठिंबा दिला आहे. उद्धव ठाकरे यांच्या शिवसेनेने मात्र उमेदवार उतरवण्याचा निर्णय घेतला आहे.

मिलिंद नार्वेकर लढवणार निवडणूक

उद्धव ठाकरेंच्या शिवसेनेकडून मिलिंद नार्वेकर हे निवडणूक लढवणार आहेत. शिवसेनेचे (उद्धव बाळासाहेब ठाकरे) सध्या 15 आमदार आहेत. तर निवडून येण्यासाठी 23 मते आवश्यक आहेत. त्यामुळे 8 मते कमी पडतात.

हेही वाचा >> निकाल लागला! भाजपला दोन ठिकाणी झटका, ठाकरेंचा एक उमदेवार पराभूत

प्रज्ञा सातव यांना उमेदवारी देणाऱ्या काँग्रेसकडे सध्या 36 मते आहेत. काँग्रेसची 24 मते प्रज्ञा सातव यांना दिली गेली, तर 12 मते शिल्लक राहतात. ही मते आणि राष्ट्रवादी काँग्रेसची मते मिळून शेकापचे जयंत पाटील निवडून येऊ शकतात. त्यामुळे आता ठाकरे नार्वेकर जिंकून येण्यासाठी लागणारी 8 मते कशी मिळवणार, याची चर्चा होत आहे.

हेही वाचा >> कोकण कोणाचं?, राणेंना ठाकरेंचं तगडं आव्हान 

नार्वेकर यांच्यामुळे महायुतीतील काही आमदार क्रॉस व्होटिंग करण्याची शक्यता दबक्या आवाजात राजकीय वर्तुळात सुरू आहे. महत्त्वाची बाब म्हणजे अजित पवारांच्या राष्ट्रवादी काँग्रेसमधील आणि शिंदेंच्या शिवसेनेतील काही आमदार ठाकरे आणि पवारांच्या पक्षात येण्यास इच्छुक असल्याचेही बोलले जात आहे. त्यामुळे या निवडणुकीत महाविकास आघाडीचा तिसरा उमेदवारही निवडून आल्यास महायुतीसाठी मोठा धक्का असेल.