Haryana Politics : भाजपला झटका! अपक्ष आमदारांनी सोडली साथ, काँग्रेसला दिला पाठिंबा
Independent MLAs haryana politics : लोकसभा निवडणुकीच्या धामधुमीत तीन अपक्ष आमदारांनी भाजप सरकारचा पाठिंबा काढला आहे.
ADVERTISEMENT
बातम्या हायलाइट
हरयाणा भाजप सरकार
Haryana Bjp Government : लोकसभा निवडणुकीची धामधूम सुरू असतानाच भाजपची चिंता वाढली आहे. काही महिन्यांपूर्वी मुख्यमंत्री बदललेल्या हरयाणातील भाजपचे सरकार अल्पमतात आले आहे. तीन अपक्ष आमदारांनी काँग्रेसला पाठिंबा दिला आहे. भाजपने बहुमत गमावले आहे, मात्र तूर्तास त्यांच्या सरकारला कोणताही धोका नाही. (Three Independent MLAs withdraw support to BJP govt in Haryana)
हरयाणाच्या राजकारणात मंगळवारी (७ मे) मोठा भूकंप झाला. तीन अपक्ष आमदारांनी भाजपचा पाठिंबा काढून घेतला. अपक्षांमध्ये पुंडरीचे आमदार रणधीर गोलन, निलोखेडीचे आमदार धरमपाल गोंदर आणि चरखी दादरीचे आमदार सोमवीर सांगवान यांचा समावेश आहे.
या आमदारांनी भाजप सरकारचा पाठिंबा काढून घेत काँग्रेसला पाठिंबा दिला आहे. ही राजकीय घडामोड घडल्यानंतर काँग्रेसने लगेचच भाजप सरकारला अल्पमतातील सरकार म्हणण्यास सुरुवात केली आहे. दुसरीकडे भाजपने काळजी करण्यासारखे काही नाही, असे म्हटले आहे.
हेही वाचा >> 'BJP हा फुटलेला पक्ष नाही मात्र शिवसेना..', CM शिंदेंचं मोठं विधान
हरयाणाचे माजी मुख्यमंत्री भूपिंदरसिंग हुड्डा आणि प्रदेश काँग्रेसचे प्रमुख उदय भान यांच्या उपस्थितीत रोहतक येथे झालेल्या पत्रकार परिषदेत तीन आमदारांनी भाजप सरकारचा पाठिंबा काढून घेत असल्याची घोषणा केली.
हे वाचलं का?
