उद्धव ठाकरेंचा राजीनामा, भाजपचा पुढचा प्लान काय?; फडणवीस-शिंदे यांच्याकडे लक्ष

उद्धव ठाकरे यांनी बुधवारी राज्यातील जनतेशी संवाद साधला. मुख्यमंत्री पदाबरोबरच विधान परिषद सदस्यत्वाचा राजीनामा देत असल्याची घोषणा उद्धव ठाकरे यांनी केली. त्यानंतर त्यांनी राजभवनात जाऊन राज्यपाल भगतसिंह कोश्यारी यांच्याकडे राजीनामा सुपूर्द केला.

Uddhav Thackeray: “मी आज सगळ्या महाराष्ट्राच्या साक्षीने मुख्यमंत्रीपदाचा त्याग करतो आहे”

महाविकास आघाडी सरकार कोसळल्याने भाजपच्या सत्ता स्थापनेचा मार्ग मोकळा झाला आहे. भाजपच्या गोटात आनंदाचं वातावरण असून, आज भाजपकडून सत्ता स्थापनेचा दावा केल्या जाण्याची शक्यता आहे. फडणवीस आज पुढील भूमिका जाहीर करणार असून, एकनाथ शिंदेंच्या भूमिकेकडंही सगळ्यांचं लक्ष आहे.