Pahalgam Attack: जखमींना पाठीवर घेऊन धावत सुटला..., प्रचंड चर्चेत असलेला सजाद भट्ट आहे तरी कोण?
पहलगाम येथे दहशतवादी हल्ला झाल्यानंतर पर्यटकांना वाचविणारा सजाद भट्ट हा सध्या प्रचंड चर्चेत आला आहे. जाणून घ्या त्याच्याविषयी सविस्तरपणे.
ADVERTISEMENT
पहलगाम (जम्मू-काश्मीर): पहलगाममध्ये झालेल्या दहशतवादी हल्ल्यात तब्बल 26 जणांचा दुर्दैवी मृत्यू झाला. पण याचवेळी पहलगामच्या बैसरन व्हॅलीमधील स्थानिकांनी स्वत:च्या जीवाची पर्वा न करता इतर अनेक पर्यटकांचे जीव वाचवले. त्यापैकीच सजाद अहमद भट्ट हा एक आहे. ज्याने जखमींना स्वत:च्या पाठीवर घेऊन त्यांना सुरक्षित स्थळी नेलं. त्यामुळे सध्या सजादविषयी सोशल मीडियावर बरीच चर्चा सुरू आहे. जाणून घ्या कोण आहे सजाद भट्ट
सजाद अहमद भट्ट हा जम्मू-काश्मीरमधील पहलगाम येथील एक शॉल विक्रेता आहेत, ज्याने 22 एप्रिल 2025 रोजी झालेल्या दहशतवादी हल्ल्यात आपल्या असामान्य धैर्याने आणि मानवतेच्या भावनेने देशभरात चर्चा निर्माण केली आहे. त्यांच्या या कृतीने काश्मिरी लोकांच्या प्रेम आणि बंधूप्रेमाच्या भावनेचे एक उदाहरण देशासमोर ठेवले आहे.
हे ही वाचा>> प्रत्येक भारतीयाला सतावणारा प्रश्न... पहलगाममध्ये दहशतवादी हल्ला झाला तिथे Army का नव्हती?
कोण आहे सजाद अहमद भट्ट?
सजाद अहमद भट्ट हा पहलगाम, जम्मू-काश्मीर येथील स्थानिक रहिवासी आणि शॉल विक्रेता आहे. सामान्य जीवन जगणारा सजाद हा त्याच्या साध्या स्वभावासाठी आणि मेहनतीसाठी ओळखला जातो. 22 एप्रिल 2025 रोजी पहलगाममधील बैसरन व्हॅलीमध्ये झालेल्या दहशतवादी हल्ल्याने त्याचे आयुष्य आणि त्याची ओळख पूर्णपणे बदलून टाकली. या हल्ल्याने संपूर्ण देशाला हादरवून सोडले, परंतु सजाद याने दाखवलेल्या साहसाने आणि मानवतेच्या भावनेने त्याला रातोरात नायक बनवले.
नेमकं काय घडलं?
22 एप्रिल 2025 रोजी, पहलगाम येथील बैसरन व्हॅलीमध्ये पर्यटकांच्या गटावर दहशतवाद्यांनी हल्ला केला. 'द रेझिस्टन्स फ्रंट' (TRF) या कट्टरतावादी गटाने या हल्ल्याची जबाबदारी स्वीकारली आहे. या हल्ल्यात 26 जणांचा मृत्यू झाला, तर अनेकजण जखमी झाले. हल्ल्याच्या वेळी सजाद अहमद भट्ट त्या परिसरात उपस्थित होता. भीती आणि गोंधळाच्या वातावरणात, जिथे लोक आपला जीव वाचवण्यासाठी धडपडत होते, तिथे सजादने स्वतःच्या जीवाची पर्वा न करता जखमी पर्यटकांना वाचवण्यासाठी धाडसी पावले उचलली.
हे वाचलं का?
