Uddhav Thackeray : रघुराम राजन यांनी घेतली ठाकरेंची भेट; प्लॅन काय?

राज्यसभेच्या निवडणुका होताहेत. महाराष्ट्रातून सहा खासदार निवडून द्यायचे आहेत. निवृत्त होणाऱ्या खासदारांमध्ये भाजपचे तीन आणि महाविकास आघाडीचे तीन खासदार आहेत.

पण, बदलेल्या राजकीय समीकरणांमुळे सध्या महाविकास आघाडीला एकच उमेदवार राज्यसभेवर पाठवता येणार आहे, तर महायुतीला पाच उमेदवार राज्यसभेवर पाठवता येतील.

महाविकास आघाडीतून फक्त काँग्रेसचा उमेदवार राज्यसभेवर जाईल. कारण, काँग्रेसकडे ४४ मतं आहेत आणि मतांचा कोटा आहे ४२ आहे. पण, आता काँग्रेसचा उमेदवार कोण असेल? असे प्रश्न उपस्थित होताहेत आणि याच प्रश्नांमुळे रघुराम राजन आणि उद्धव ठाकरेंची भेट महत्त्वाची ठरते.