महिला आरक्षण विधेयकाला AIMIM चा विरोध का? असदुद्दीन ओवेसींनी सांगितलं कारण
AIMIM Opposed Women Reservation Bill : ‘नारी शक्ती वंदन कायदा’ हे ऐतिहासिक महिला आरक्षण विधेयक बुधवारी लोकसभेत दोन तृतीयांश बहुमताने मंजूर करण्यात आले. विधेयकाच्या बाजूने विक्रमी 454 मते पडली. तर विधेयकाच्या विरोधात फक्त 2 मते पडली. या विधेयकाला एआयएमआयएमच्या दोन्ही खासदारांनी विरोध केला. पक्षाचे प्रमुख आणि हैदराबादचे खासदार असदुद्दीन ओवेसी आणि छत्रपती संभाजीनगरचे खासदार इम्तियाज […]
ADVERTISEMENT
AIMIM Opposed Women Reservation Bill : ‘नारी शक्ती वंदन कायदा’ हे ऐतिहासिक महिला आरक्षण विधेयक बुधवारी लोकसभेत दोन तृतीयांश बहुमताने मंजूर करण्यात आले. विधेयकाच्या बाजूने विक्रमी 454 मते पडली. तर विधेयकाच्या विरोधात फक्त 2 मते पडली. या विधेयकाला एआयएमआयएमच्या दोन्ही खासदारांनी विरोध केला. पक्षाचे प्रमुख आणि हैदराबादचे खासदार असदुद्दीन ओवेसी आणि छत्रपती संभाजीनगरचे खासदार इम्तियाज जलील यांनी महिला आरक्षण विधेयकाच्या विरोधात मतदान केले. नंतर ओवेसी यांनी हेही सांगितले की त्यांनी आणि त्यांच्या पक्षाच्या खासदाराने लोकसभेत महिला आरक्षण विधेयकाला विरोध का केला?
ऑल इंडिया मजलिस-ए-इत्तेहादुल मुस्लिमीन (एआयएमआयएम) प्रमुख असदुद्दीन ओवेसी म्हणाले की, “आम्ही ओबीसी आणि मुस्लिम महिलांना आरक्षणात समाविष्ट करण्यासाठी लढत आहोत. भारतात ओबीसी लोकसंख्या 50 टक्क्यांहून अधिक आहे, पण लोकसभेत त्यांचे प्रतिनिधित्व 22 टक्के आहे. भारतातील मुस्लिम महिलांची लोकसंख्या 7 टक्के आहे, तर लोकसभेत त्यांचे प्रतिनिधित्व 0.7 टक्के आहे. मग तुम्ही त्यांचे प्रतिनिधित्व करणार नाही का?”
‘मुस्लीम आणि ओबीसी महिलांना आरक्षण कधी मिळणार?’
याआधी ओवेसी यांनी महिला आरक्षण विधेयकाला विरोध केला आणि ते म्हणाले की, या विधेयकामुळे केवळ सवर्ण महिलांनाच आरक्षण मिळेल. ओवेसी म्हणाले की, “या विधेयकामागचा उद्देश लोकसभा आणि राज्यांच्या विधानसभांमध्ये महिलांना प्रतिनिधित्व देण्याचा आहे.”
हेही वाचा >> India, भारत, हिंदुस्तान… कुठून आली ही नावं? समजून घ्या संपूर्ण इतिहास
ओवेसी असंही म्हणाले, “ओबीसी आणि मुस्लिम महिलांचे प्रतिनिधित्व कमी आहे, मग त्यांना तुम्ही आरक्षण देणार नाही का?”
हे वाचलं का?
