‘मार्शल बोलवून बाहेर काढावं लागेल’, गोपीचंद पडळकरांना नीलम गोऱ्हेंनी झापलं

झालं असं की, भाजपचे आमदार गोपीचंद पडळकर हे विधान परिषदेत काही मुद्द्यांवर बोलत होते. त्याचवेळी विधान परिषद उपसभापती नीलम गोऱ्हे म्हणाल्या, ‘चला आवरतं घ्या. एक-दोन मिनिटांत आवरतं घ्या. तुमची 13 मिनिटं झाली आहेत.’

त्यावर पडळकर म्हणाले, माझे विषय महत्त्वपूर्ण आहेत. तुम्ही पहिल्या लोकांना इतकं बोलायला देता की, पुढचं सगळं गणित बिघडवून टाकता.’ मग नीलम गोऱ्हे म्हणाल्या की, ‘तुमचं गणित बिघडलं आहे, ते थांबवा आता.’

नीलम गोऱ्हेंनी पडळकरांना थांबवल्यानंतर काय झालं?

मग आमदार गोपीचंद पडळकरांनी जत तालुक्यातील दुष्काळी गावांबद्दल बोलण्यास सुरूवात केली. त्याचवेळी नीलम गोऱ्हे म्हणाल्या की, ‘धस साहेब, त्यांना किती वेळ बोलायला द्यायचं? किती अर्धा तास बोलू देऊ का? दोन मिनिटं… मग मी सांगितलं ना.’