Gunaratna Sadavarte : “संघाची पिलावळ… भाजपचा हात”, काँग्रेस नेत्याचा थेट ‘वार’
गुणरत्न सदावर्ते यांनी शरद पवारांवर टीका केली. नथुराम गोडसेचे कौतुक करत महात्मा गांधींबद्दल वादग्रस्त विधान केले. यावरून विजय वडेट्टीवार यांनी भाजपवर टीका केली.
ADVERTISEMENT
Gunaratna Sadavarte Latest News : गुणरत्न सदावर्ते यांनी केलेल्या वादग्रस्त विधानाचे पडसाद उमटले आहेत. नथुरामचा उदोउदो करत गुणरत्न सदावर्ते बरळले. सदावर्तेंनी काँग्रेसलाही लक्ष्य केले. त्यानंतर आता काँग्रेस थेट भाजपला घेरलं आहे.(Gunaratna Sadavarte controversy : Criticised Mahatma Gandhi, Sharad Pawar and praises Nathuram Godse)
विरोधी पक्षनेते विजय वडेट्टीवार यांनी थेट गुणरत्न सदावर्ते यांना संघाची पिलावळ असं संबोधत भाजपला काही सवाल केले आहेत.
भाजपला सवाल, विजय वडेट्टीवारांची मागणी काय?
“गोडसेचे उदात्तीकरण करणाऱ्या सदावर्तेवर राज्य सरकारने तात्काळ कारवाई करावी. राज्यात महायुती सरकार आल्यापासून देशाच्या राष्ट्रपित्याची हत्या करणाऱ्या नथुराम गोडसेचे उद्दातीकरण सुरू आहे. सदावर्ते सारखी संघाची पिलावळ महात्मा गांधी यांचा अपमान करत आहे तरी त्याच्यावर कारवाई का होत नाही?”, असा सवाल वडेट्टीवारांनी केलाय.
हेही वाचा >> छगन भुजबळांनी शरद पवारांना कसं केलं ब्लॅकमेल, माजी आमदारांने सांगितला किस्सा
“स्टेट ट्रान्सपोर्ट को ऑपरेटिव्ह बँकेच्या वार्षिक अहवालवर नथुराम गोडसेचा फोटो छापण्याची हिंमत यांची झालीच कशी ? सत्ताधारी भाजपचा हात असल्याशिवाय ही पिलावळ अशी गरळ ओकू शकत नाहीत आणि इतका माज करू शकत नाही. आजच्या घडीला एसटी महामंडळातील कर्मचाऱ्यांसाठी महत्त्वाची असणारी बँक भाजपच्या आशीर्वादाचे धनी असलेल्या सदावर्ते सारख्या भ्रष्टाचाऱ्यामुळे अडचणीत आली आहे”, असे टीकास्त्र वडेट्टीवारांनी सदावर्तेंवर डागलं.
हे वाचलं का?
