Uddhav Thackeray : चिमुकल्याने दिली उद्धव ठाकरेंना शिदोरी, म्हणाले माझ्याकडे शब्द नाहीत

विद्यार्थ्याने दिली शिदोरी

शिवसेनेचे प्रमुख आणि माजी मुख्यमंत्री उद्धव ठाकरे हे अहमदनगर जिल्ह्याच्या दौऱ्यावर असल्याचे समजताच तेथील एका शाळेला जाणाऱ्या विद्यार्थ्याने त्यांच्यासाठी शिदोरी आणली होती. दौऱ्यावर असलेल्या उद्धव ठाकरे यांना ती शिदोरी देताच उद्धव ठाकरे यांनीही त्या विद्यार्थ्याची चौकशी केली. अरे बाळा, तू माझ्यासाठी शिदोरी आणलीस, पण तू काही खाल्लंस का? तू जेवलास का? की स्वत: न जेवता मला शिदोरी देतोयस? अशी विचारणा करत त्या विद्यार्थ्याला तू दिलेली शिदोरी मी खाईन असा शब्दही त्यांनी यावेळी दिला.

हे ही वाचा >> Maratha Morcha : ‘तुम्ही जर असं केलं तर आरक्षण द्यायचं कुणाला?’ जरांगे पाटलांचा भावूक सवाल

हेच आम्हाला आशिर्वाद

अहमदनगर दौऱ्यावर असलेले उद्धव ठाकरे यांनी शिदोरी देणाऱ्या विद्यार्थ्याला शब्द देत तू दिलेली शिदोरी मी खाईन अशा शब्द देत त्यांनी सांगितले की, हीच आमची शिदोरी, हेच आम्हाला आशिर्वाद असल्याची भावना त्यांनी यावेळी व्यक्त केली.

पक्षप्रमुख मा. श्री. उद्धवसाहेब ठाकरे ह्यांनी आज नगर दौऱ्यावर असताना संगमनेर तालुक्यातील वडझरी खुर्द गावातील शेतीची पाहणी केली. दुष्काळामुळे शेतकऱ्यांवर दुबार पेरणीची वेळ आली असताना, शेतकऱ्यांच्या प्रश्नांवर घटनाबाह्य सरकारकडे तोडगा नाही. पण शिवसेना नेहमी बळीराजासोबत आहे असा… pic.twitter.com/jltXMd5OEs

— ShivSena – शिवसेना Uddhav Balasaheb Thackeray (@ShivSenaUBT_) September 8, 2023

शिदोरीत काय..?

अहमदनगर जिल्ह्याच्या दौऱ्यावर असलेल्या उद्धव ठाकरे काकडीमध्ये आल्याचे कळताच शाळकरी विद्यार्थ्याने त्यांच्यासाठी शिदोरी आणली होती. त्या शिदोरीमध्ये नेमकं काय होतं याची उत्सुकता प्रत्येकालाच लागली होती. त्यामुळे त्या विद्यार्थ्याला शिदोरीत काय आहे हे विचारताच त्यांने लोणचं, भाकरी आणि ठेचा असल्याचे त्याने सांगितले.

हे ही वाचा >> Radhakrishna Vikhe Patil : धनगर आरक्षणासाठी विखे पाटलांवर उधळला भंडारा