कामाची बातमी: PAN 2.0 हे नवं पॅन कार्ड आहे तरी काय, सरकारला का करावं लागलं लाँच?
PAN 2.0: भारत सरकारने नुकतंच नवीन पॅन कार्ड लाँच केलं आहे. याबाबत सरकारचा नवा नियम काय आहे याबाबत सविस्तर जाणून घ्या.
ADVERTISEMENT
New Pan Card: मुंबई: भारत सरकारने नुकतंच 'पॅन 2.0' लॉन्च करणार असल्याची घोषणा केली आहे. हे नवीन पॅन कार्ड जुन्या म्हणजेच आतापर्यंत चालत असलेल्या परंपरागत पॅनकार्डपेक्षा प्रगत आणि आधुनिक असणार आहे. यामध्ये डिजिटल क्यूआर कोड, जलद पडताळणी प्रक्रिया यासोबतच सायबर सुरक्षेकडे अधिक लक्ष देणाऱ्या प्रक्रिया समाविष्ट केल्या गेल्या आहेत. मात्र, या नवीन सुविधेसोबतच ऑनलाईन होत असलेल्या फसवणूकीच्या घटनेत वाढ होताना दिसत आहे.
'पॅन 2.0' हे भारत सरकारने वित्तीय सुरक्षेच्या दृष्टीने उचललेलं महत्त्वाचं पाऊल आहे. यामुळे वित्तीय सुरक्षा अधिक मजबूत होणार असून डिजिटल इंडिया या संकल्पनेलासुद्धा वाव मिळणार आहे. जर तुमच्याकडे तुमचं पॅन कार्ड असेल तर ते लवकरात लवकर अपडेट करुन घेणं गरजेचं आहे.
हे ही वाचा>> PAN 2.0 : नव्या जमन्याचं नवं पॅनकार्ड, QR कोडचा काय उपयोग होणार? घरबसल्या कसा कराल अर्ज?
काय आहे पॅन 2.0?
पॅन 2.0 हे आतापर्यंत चालत असलेल्या पॅन कार्डचे अपग्रेडेड व्हर्जन आहे. यामध्ये काही खास आणि आधुनिक बाबींचा समावेश करण्यात आला आहे.
डिजिटल क्यूआर कोड: डिजिटल क्यूआर कोडमुळे कोणत्याही व्यक्तीच्या पॅन तपशीलांची किंवा डिटेल्सची जलद पडताळणी करणे शक्य होईल.
हे वाचलं का?
