Crime: प्रेमविवाह करून घरी आणलेल्या सुनेने उद्योजक सासऱ्याला संपवलं?, हादरवून टाकणारी कहाणी
जयपूरमध्ये एका महिलेने तिच्या उद्योजक सासऱ्यांची हत्या केल्याची धक्कादायक घटना समोर आली आहे. याविरोधात पोलिसात आता तक्रार देखील दाखल करण्यात आली आहे.
ADVERTISEMENT
Father-in-law Murder: जयपूर: जयपूरमध्ये (Jaipur) एक भयंकर घटना घडली असून ज्यामध्ये 6 महिन्यांपूर्वीच लग्न करुन सासरी आलेल्या सुनेवर (Daughter-in-law) आता अत्यंत गंभीर आरोप करण्यात आले आहेत. मिळालेल्या माहितीनुसार, व्यावसायिक लतेश गोयल यांचा घराच्या बाल्कनीतून पडून संशयास्पद मृत्यू झाल्याच्या प्रकरणात नवा ट्विस्ट आला आहे. मृत लतेश गोयल यांचा मुलगा हनी गोयल याने असा आरोप केला आहे की, त्याची पत्नी स्नेहा हिने तिच्या सासऱ्यांना (father-in-law) बाल्कनीतून ढकलून त्यांची हत्या (Murder) केली. हनीने स्नेहासोबत प्रेमविवाह केला होता. (crime news allegation that the daughter in law killed the businessman father in law a shocking story love marriage)
याप्रकरणी तक्रार मिळाल्यानंतर पोलिसांनी आरोपी पत्नीविरुद्ध खुनाचा गुन्हा दाखल केला आहे. दरम्यान, काही महिन्यांआधीच हनी गोयलच्या आई आणि बहिणीचा देखील एका भीषण अपघातात मृत्यू झाला होता.
वडिलांचा मृत्यू, प्रेमविवाह केलेल्या पत्नीवरच संशय
हनी गोयलने वडिलांच्या मृत्यूनंतर एक व्हिडिओ जारी थेट आरोप केला आहे की, 11 ऑगस्ट रोजी सकाळी सासरे लतेश गोयल आणि सून स्नेहा यांच्यात कशावरून तरी वाद झाला होता. त्याचवेळी स्नेहाने रागाच्या भरात धावत-धावत जात सासरे लतेश गोयल यांना 15 फूट उंच बाल्कनीतून ढकलून दिले. एवढ्या उंचावरुन थेट रस्त्यावर पडल्याने लतेश गोयल हे गंभीर जखमी झाले. ज्यानंतर त्यांना मुलगा हनी याने त्यांना रुग्णालयात दाखल केले, परंतु दुसऱ्या दिवशी 12 ऑगस्ट रोजी सायंकाळी लतेश यांचा उपचारादरम्यान मृत्यू झाला.
हे ही वाचा >> Mumbai Crime: वृद्ध दाम्पत्याच्या तोंडाला पट्टी लावली, हात-पाय बांधले…चोरीच्या घटनेनंतर घडली भयंकर घटना
यावेळी हनीने असाही आरोप केला आहे की, एकीकडे त्याच्या वडिलांवर रुग्णालयात उपचार सुरु असताना दुसरीकडे स्नेहाने त्याचवेळी घरातून सोने-चांदी आणि रोख रक्कम घेऊन पळ काढला. यानंतर तिचे नातेवाईक घराबाहेर आले आणि भांडण करू लागले. तसेच्या सासऱ्यांच्या मृत्यूनंतर सुनेने पोलीस ठाण्यात फिर्याद दिली आहे. ज्यामध्ये हुंड्यासंदर्भात तक्रार दाखल करण्यात आली आहे. एफआयआरनंतर या प्रकरणाची चौकशी होईल.
हे वाचलं का?
