17 मुलींवर अत्याचार करणाऱ्या बाबाचा तुरुगांत शाही थाट, VIP सेलमध्ये शिफ्ट, कोणत्या सुविधा मिळतात?
Chaitanyanand Saraswati : 17 मुलींवर अत्याचार करणाऱ्या बाबाचा तुरुगांत शाही थाट, VIP सेलमध्ये शिफ्ट केलं, कोण कोणत्या सुविधा मिळतात?
ADVERTISEMENT
बातम्या हायलाइट
17 मुलींवर अत्याचार करणाऱ्या बाबाचा तुरुगांत शाही थाट
चैतन्यानंद सरस्वतीला VIP सेलमध्ये शिफ्ट केलं
Chaitanyanand Saraswati Crime News : दिल्लीतील वसंत कुंज येथील श्री शारदा इन्स्टिट्यूट ऑफ इंडियन मॅनेजमेंट अँड रिसर्च संस्थेमध्ये 17 विद्यार्थीनींची लैंगिक शोषण केल्याचा धक्कादायक प्रकार काही दिवसांपूर्वी समोर आला होता. या प्रकरणी चैतन्यानंद सरस्वती या बोगस अध्यात्मिक बाबाला काही दिवसांपूर्वी अटक करण्यात आली होती. या बाबाला अटक झाली, पण तुरुंगात त्याचा शाही थाट सुरु असल्याचं समोर आलंय. चैतन्यानंद सरस्वती याला आता तिहार जेलच्या व्हीआयपी सेल क्रमांक 7 मध्ये हलवण्यात आले आहे. यापूर्वी शुक्रवारी न्यायालयात हजर केल्यानंतर त्याला सेल क्रमांक 4 मधील मुलायजा वॉर्ड मध्ये ठेवण्यात आले होते. हा वॉर्ड पहिल्यांदाच गुन्हा करणाऱ्या आरोपींसाठी असतो, जिथे विविध प्रकारचे कैदी एकत्र ठेवले जातात.
तुरुंगात गेल्यानंतर चैतन्यानंद बनलाय चिडचिडा
अधिकच्या माहितीनुसार, जेलमध्ये आल्यानंतरपासून चैतन्यानंद अतिशय अस्वस्थ आणि चिडचिडा झाला आहे. त्याने पूर्ण रात्र उलटसुलट फिरत, सेलमध्ये हिंडत काढली. जेव्हा कर्मचाऱ्यांनी कारण विचारले, तेव्हा त्याने जेल स्टाफवर ओरडायला सुरुवात केली. रविवारी त्याला व्हीआयपी सेल क्रमांक 7 मध्ये हलवण्यात आले. हा सेल हायप्रोफाईल कैद्यांसाठी राखीव आहे. येथे कैदी वेगवेगळे ठेवले जातात आणि त्यांच्यावर 24 तास कडक नजर ठेवली जाते. सामान्य कैद्यांना या सेलमध्ये प्रवेश करण्यास मनाई असते. चैतन्यानंद आता याच सेलमध्ये राहणार असून, येथे सुरक्षा आणि निरीक्षणासाठी कडक नियम आहेत.
पोलीस कोठडी संपल्यानंतर न्यायालयाने त्याला न्यायालयीन कोठडीत पाठवले असता, त्याच्या वकिलामार्फत जेलमध्ये विशेष सोयी-सुविधा देण्याची मागणी करण्यात आली. त्यात कपडे, औषधे, खास जेवण, धार्मिक पुस्तके आणि दररोज भेटण्याची वेळ यांचा समावेश होता.
हे वाचलं का?
