Pune Accident: दोन डॉक्टर निलंबित, डीनला सक्तीची रजा... पुणे अपघात प्रकरणात धडाधड कारवाई!

ससून रुग्णालयाचे डीन डॉ. विनायक काळे यांनी रजेवर जाण्यापूर्वी सांगितले की, 'डॉ. अजय तावरे यांना अटक केल्यानंतर तत्काळ निलंबित करण्याचा प्रस्ताव प्रशासनाने राज्य सरकारकडे पाठवला होता, तर अस्थायी रूपात कार्यरत असलेले डॉ. श्रीहरी हळनोर यांची सेवा 28 मे रोजी संपवण्यात आली.' ते म्हणाले, "निलंबनाची कारवाई राज्य सरकारच्या पातळीवर केली जाते. आम्ही आमच्या बाजूने प्रस्ताव पाठवला होता. कारवाईही झाली आहे."

हेही वाचा : महाराष्ट्रात 2019 च्या लोकसभेचा एक्झिट पोल किती अचूक ठरला?

डीन म्हणाले होते, "अटकेनंतर आम्ही डॉ. अजय तावरे यांच्याकडून फॉरेन्सिक मेडिसिनच्या एचओडीचा पदभार घेतला आणि तो विभागातील वरिष्ठ प्राध्यापकांना दिला. डॉ. श्रीहरी हळनोर यांची सेवा तात्पुरती होती. या प्रकरणात अटक करण्यात आलेला तिसरा आरोपी अतुल घाटकांबळे हा स्वच्छता कर्मचारी असून त्याने आरोपीचे रक्ताचे नमुने डस्टबिनमध्ये फेकले होते.'

बारामतीच्या डीनकडे रूग्णालयाची जबाबदारी

महाराष्ट्र वैद्यकीय शिक्षण विभागाच्या आयुक्तांच्या शिफारशीवरून फॉरेन्सिक मेडिसिन विभागाचे प्राध्यापक व विभागप्रमुख डॉ.अजय तावडे आणि ससून रुग्णालयाचे वैद्यकीय अधिकारी डॉ. श्रीहरी हळनोर यांना निलंबित करण्याचे आदेश देण्यात आले.