Mumbai:चिकन थाळीत शिजलेला उंदीर,वांद्रेच्या ढाब्यातील धक्कादायक प्रकार

पोलिसांनी दिलेल्या माहितीनुसार, तक्रारदार अनुराग सिंह आपल्या मित्रासोबत वांद्रे पश्चिमेतील पाली परिसरातील एका ढाब्यावर जेवणासाठी गेले होते. यावेळी अनुराग यांनी चपातीसोबत चिकन आणि मटण थाळी ऑर्डर केली होती. जेवण टेबलावर आल्यानंतर अनुराग आणि त्याच्या मित्रांनी जेवायला सुरुवात केली होती. जेवताना त्यांच्या थाळीत एक असा मांसाचा तुकडा मिळाला, जो खूपच वेगळा दिसत होता. ज्यावेळी त्यांनी या मांसाच्या या तुकड्याला निरखून पाहिले तेव्हा त्यांना हा तुकडा उंदराचं मांस वाटलं. त्यामुळे अनुराग या घटनेने संतप्त झाले आणि त्यांनी ढाबा मालकाला जाब विचारला होता.

हे ही वाचा : Crime: प्रेमविवाह करून घरी आणलेल्या सुनेने उद्योजक सासऱ्याला संपवलं?, हादरवून टाकणारी कहाणी

अनुराग यांनी संबंधित प्रकार ढाबा मालकाला दाखवताच त्यांनी या घटनेला नकार दिला. त्याचसोबत अनुराग यांनी केलेल्या आरोपात टाळाटाळ करायला सुरूवात केली होती. एकंदरीत आमच्या जेवणात असे मांस आढळणार नाही, असे ढाबा मालकाचे म्हणणे होते. ढाबा मालक आपली चुकी मान्य न करत असल्याचे पाहून अनुराग आणखीणच आक्रमक झाले आणि त्यांनी पोलीस ठाणे गाठण्याचा निर्णय़ घेतला होता.

ढाब्यातील या घटनेला संतापून अनुराग यांनी पोलीस ठाणे गाठले. यावेळी अनुराग यांनी पोलिसांना ढाब्यावर घडलेला संपूर्ण घटनाक्रम सांगितला. यानंतर पोलिसांनी अनुराग यांच्या तक्रारीवरून तक्रार दाखल केली. या तक्रारीनंतर पोलिसांनी आयपीसी कलम 272, 336 आणि 34 अंतर्गत तक्रार दाखल केला आहे. या प्रकरणाचा अधिकचा तपास सुरु केला आहे.

हे ही वाचा : Crime: गुप्त फोन, प्रियकर अन्… जमिनीत पुरलेला मृतदेह काढला बाहेर; काळजाचा थरकाप उडवणारी घटना