Lok Sabha Election 2024 MNS: 'नरेंद्र मोदी नसते तर..', राज ठाकरेंकडून PM मोदींचं प्रचंड कौतुक

पाडवा मेळाव्यानंतर राज ठाकरेंनी आपल्या पदाधिकाऱ्यांची आज शिवतीर्थवर बैठक घेतली. त्यानंतर माध्यमांशी बोलताना त्यांनी लोकसभा निवडणुकीत मनसेची काय भूमिका असेल याबाबत माहिती दिली. दरम्यान, यावेळी त्यांनी पंतप्रधान मोदींना पाठिंबा का दिला याविषयीही भाष्य केलं.

'नरेंद्र मोदी नसते तर राममंदिर उभंच राहू शकलं नसतं'

'गुढी पाडवा मेळाव्यात जे मी सांगितलं.. माझ्या पक्षातील महाराष्ट्र सैनिकांना.. की, यावेळेस नरेंद्र मोदी यांना आपण पाठिंबा द्यायचं आहे. त्याचं विश्लेषण मी केलं आहे. पहिल्या पाच वर्षातील ज्या गोष्टी मला पटल्या नाहीत त्याच्याबाबतीत जो विरोध करायचा तो विरोधही केला.' 

'अनेकदा सांगतात की, राज ठाकरेंनी भूमिका बदलली. प्रश्न 2014 च्या अगोदरची भूमिका निवडून आल्यानंतर सत्तेत आल्यानंतर भूमिका बदलू शकते तर मला असं वाटतं की, मी भूमिका बदलणं आवश्यक होतं. त्याला भूमिका बदलणं म्हणत नाही तर धोरणांवर टीका म्हणतात. त्याप्रमाणे ती टीका मी केली होती. अर्थात त्या मोबदल्यात मी काही मागितलं नव्हतं.' असं राज ठाकरे म्हणाले.