धक्कादायक घटना, मळणी मशीनमध्ये अडकून महिलेचा दुर्दैवी मृत्यू
सांगली: सांगली जिल्ह्यातील करंजे गावात एक अत्यंत धक्कदायक घटना घडली आहे. शेतात काम सुरु असतानाच मळणी मशीनमध्ये अडकून एका महिलेचा दुर्दैवी मृत्यू झाल्याचं समोर आलं आहे. मिळालेल्या माहितीनुसार, सुभद्रा विलास मदने असं मृत महिलेचे नाव आहे. दरम्यान, या दुर्दैवी घटनेनंतर संपूर्ण गावात हळहळ व्यक्त होत आहे. खानापूर तालुक्यातील करंजे येथील मदने मळा येथे मळणी मशिनमध्ये […]
ADVERTISEMENT
सांगली: सांगली जिल्ह्यातील करंजे गावात एक अत्यंत धक्कदायक घटना घडली आहे. शेतात काम सुरु असतानाच मळणी मशीनमध्ये अडकून एका महिलेचा दुर्दैवी मृत्यू झाल्याचं समोर आलं आहे. मिळालेल्या माहितीनुसार, सुभद्रा विलास मदने असं मृत महिलेचे नाव आहे. दरम्यान, या दुर्दैवी घटनेनंतर संपूर्ण गावात हळहळ व्यक्त होत आहे.
खानापूर तालुक्यातील करंजे येथील मदने मळा येथे मळणी मशिनमध्ये पदर अडकल्याने सुभद्रा मदने या अतिशय वेगाने मशीनमध्ये ओढल्या गेल्या. त्यामुळे त्या थेट मशीनमध्ये अडकल्याने सुभद्रा यांचा जागीच मृत्यू झाला. हे सारं काही अवघ्या काही क्षणात घडलं की, सुरुवातीला नेमकं काय झालंय कुणालाचा समजू शकलं नाही. यावेळी मळणी चालकाने मशीन तात्काळ बंद करण्याचा देखील प्रयत्न केला. पण तोवर फारच उशीर झाला होता.
दरम्यान, या घटनेची माहिती मिळताच विटा पोलिसांनी घटनास्थळी धाव घेत याप्रकरणाची तात्काळ माहिती घेतील. तसंच सुभद्रा यांचा मृतदेह करंजे येथील शासकीय रुग्णालयात पाठविण्यात आला आहे.
मुंबई-पुणे महामार्गावर ट्रेलर-ट्रकचा भीषण अपघात
हे वाचलं का?
