लोकसभा 2024 निवडणुकीपूर्वीच BJP ला दक्षिणेत झटका! AIADMK ची मोठी घोषणा
aiadmk bjp alliance news marathi : अण्णाद्रमुक पक्षाने भाजपची साथ सोडली आहे. यामुळे भाजप आणि एनडीएला दक्षिणेत मोठा झटका बसला आहे.
ADVERTISEMENT
Aiadmk-bjp alliance News In Marathi : एकीकडे 2024 च्या लोकसभा निवडणुकीत विजयाचा गुलाल उधळण्यासाठी सर्वच राजकीय बेरजेचं राजकारण करण्यात गुंतलेत. प्रादेशिक पक्षांना सोबत घेत राजकीय बळ वाढवण्याचे प्रयत्न सुरू आहेत. अशातच दक्षिणेत कमकुवत असलेल्या भाजपला मोठा झटका बसलाय. अण्णाद्रमुकने भाजपसोबतची युती तोडली आहे. आता हा पक्ष एनडीएचा घटकपक्ष राहिलेला नाही. पक्षाकडून याची घोषणा करण्यात आल्यानंतर AIADMK समर्थकांनी फटाके फोडून आनंद व्यक्त केला. AIADMK ने पत्रकार परिषदेत भाजपसोबतची युती तोडण्याची घोषणा केली. भाजप प्रदेशाध्यक्षांनी अण्णादुराई आणि जयललिता यांच्यावर जाणीवपूर्वक टीका केल्याचे पक्षाने म्हटले आहे. (AIADMK has broken the alliance with BJP. Now this party is not a part of NDA.)
AIADMK ने सोमवारी अधिकृत पत्रकार परिषद घेऊन भाजपच्या नेतृत्वाखालील राष्ट्रीय लोकशाही आघाडी (NDA) मधून बाहेर पडण्याची घोषणा केली आणि सांगितले की ते 2024 च्या लोकसभा निवडणुकीसाठी पक्ष वेगळ्या आघाडीचे नेतृत्व करेल.
ईपीएस यांच्या अध्यक्षतेखाली घेतला निर्णय
AIADMK मुख्यालयात पक्षाचे प्रमुख एडप्पाडी के पलानीस्वामी (EPS) यांच्या अध्यक्षतेखाली झालेल्या उच्चस्तरीय बैठकीत NDA तून बाहेर पडण्याचा निर्णय घेण्यात आला. या चर्चेबद्दल पत्रकारांना माहिती देताना माजी मंत्री आणि ज्येष्ठ नेते केपी मुनुसामी म्हणाले की, पक्षाने एकमताने एनडीएपासून दूर जाण्याचा आणि पुढील वर्षीच्या निवडणुकीत समविचारी पक्षांची आघाडी करण्याचा निर्णय घेतला आहे.
‘जयललिता यांचा झाला अपमान’
कोणाचेही नाव न घेता, ठरावात असे म्हटले आहे की भाजपचे राज्यातील नेतृत्व द्रविडियन दिग्गज दिवंगत सीएन अन्नादुराई आणि दिवंगत मुख्यमंत्री जयललिता यांची बदनामी करत आहे आणि अण्णाद्रमुकच्या धोरणांवर टीका करत आहे.
हे वाचलं का?
