संजय राऊतांकडून ‘कसिनो’तला फोटो ट्वीट, चंद्रशेखर बावनकुळे काय म्हणाले?
संजय राऊत यांनी कसिनोतला (casino) एक फोटो शेअर करून भाजपला डिवचलं होतं. कसिनोतल्या या फोटोवरून राजकारण तापले असतानाच आता चंद्रशेखर बावनकुळे (Chandrashekhar Bawankule) यांनी स्वत: समोर येऊन यावर खुलासा केला आहे.
ADVERTISEMENT
Sanjay Raut vs Chandrashekhar Bawankule BJP vs Shivsena UBT Twitter War : ठाकरे गटाचे खासदार संजय राऊत (Sanjay Raut) यांनी ट्वीट करून महाराष्ट्राच्या राजकारणात खळबळ उडवून दिली आहे. राऊत यांनी कसिनोतला (casino) एक फोटो शेअर करून भाजपला डिवचलं होतं. या आरोपावर उत्तर देताना भाजपकडूनच संबंधित व्यक्ती भाजपचे प्रदेशाध्यक्ष चंद्रशेखर बावनकुळे असल्याची पुष्ठी केली होती. कसिनोतल्या या फोटोवरून राजकारण तापले असतानाच आता चंद्रशेखर बावनकुळे (Chandrashekhar Bawankule) यांनी स्वत: समोर येऊन यावर खुलासा केला आहे. (chandrashekhar bawankule clarification on casino photo sanjay raut tweet aditya thackeray bjp vs ubt shivsena war maharashtra politics)
चंद्रशेखर बावनकुळे काय म्हणाले?
राऊतांनी शेअर केलेल्या त्या फोटोवर आता चंद्रशेखर बावनकुळे यांनी उत्तर दिले आहे. मी मकाऊ येथे ज्या हॉटेलमध्ये सहकुटुंब मुक्कामी होतो, तेथील हा परिसर असल्याचे सुरुवातीला बावनकुळे सांगतात. तसेच या हॉटेलच्याच ग्राऊंड फ्लोअरवर रेस्टॉरंट आणि कसिनो आहे.त्यामुळे जेवण केल्यानंतर मी कुटुंबीयांसह रेस्टॉरंटमध्ये बसलो होतो, त्यावेळी कुणीतरी काढलेला हा फोटो असल्याचे चंद्रशेखर बावनकुळे स्पष्ट करतात.
हे ही वाचा : Crime: प्रेयसीच्या प्रायव्हेट पार्टवरच प्रियकराने झाडली गोळी!
मी मकाऊ येथे ज्या हॉटेलमध्ये सहकुटुंब मुक्कामी होतो, तेथील हा परिसर आहे. या हॉटेलच्या ग्राऊंड फ्लोअरवर रेस्टॉरंट आणि कसिनो एकच आहे. जेवण केल्यानंतर मी कुटुंबीयांसह रेस्टॉरंटमध्ये बसलो असताना कुणीतरी काढलेला हा फोटो आहे. pic.twitter.com/yzqdrmFh0Y
— Chandrashekhar Bawankule (@cbawankule) November 20, 2023
संजय राऊतांच्या ट्वीटमध्ये काय?
खंर तर ठाकरेंचे खासदार संजय राऊत यांनी एक्स या सोशल मीडियावर एक फोटो ट्वीट केला होता. हा फोटो मकाऊतील कसीनोचा होता. या फोटोच्या कॅप्शनला, ‘महाराष्ट्र पेटलेला आहे…आणि हे महाशय मकाऊ येथे कासिनोत जुगार खेळत आहेत. फोटो zoom करुन पहा…ते तेच आहेत ना?पिक्चर अभी बाकी है…, असे लिहून संजय राऊतांनी सस्पेन्स कायम ठेवला.
हे वाचलं का?
