NCP चे अध्यक्ष शरद पवार की, अजित पवार? पक्षाची घटना, नियम काय सांगतात?
राष्ट्रवादीतील फुटीनंतर पक्षाचे नाव आणि निवडणूक चिन्ह घड्याळ कुणाकडे जाणार? अपात्रतेची कारवाई कुठल्या गटातील नेत्यांवर होणार याबाबत चर्चा होत आहे. राष्ट्रवादी काँग्रेसच्या घटनेत नेमकं काय सांगितलेले हे जाणून घेणं महत्त्वाचे आहे.
ADVERTISEMENT
CP Sharad Pawar vs ajit Pawar : राष्ट्रवादीतील फुटीनंतर पक्षाचं नाव आणि निवडणूक चिन्ह घड्याळ कुणाकडे जाणार? अपात्रतेची कारवाई कुठल्या गटातील नेत्यांवर होणार याबाबत आता चर्चा होत असताना, राष्ट्रवादी काँग्रेसच्या घटनेत नेमकं काय म्हटलंय हे जाणून घेणं महत्त्वाचं आहे. राष्ट्रवादी काँग्रेसच्या घटनेत पक्षाचे निर्णय घेण्याचा अधिकार कुणाला आणि राष्ट्रवादी काँग्रेसने आपल्या घटनेत बदल केव्हा केला हे समजून घेऊयात.
अजित पवार गटाने अत्यंत सावधपणे पावलं उचलत शिवसेनेच्या पक्षांतर्गत लढाईतल्या अनुभवांवरुन अजित पवार गटाने अत्यंत सावध पावलं उचलल्याचं त्यांचे नेते सांगताहेत. पण आता याच अनुषंगाने शरद पवारांनी आधीच पावलं उचलली होती का? हेही समजून घेणार आहोत.
अजित दादा गटातले नेते शरद पवारांना त्यांचा नेता म्हणत होते. त्यांची ही भूमिका 4 जुलैपर्यंत होती. मात्र दोन्ही पक्षांच्या शक्तिप्रदर्शनाच्या दिवशी म्हणजे 5 जुलै रोजी अजित पवार गटाने अजिदादांना राष्ट्रीय अध्यक्ष केल्याचं उघड केलं. महत्त्वाचं म्हणजे 30 जूनलाच यासंदर्भातील प्रस्ताव मंजूर करण्यात आला होता. पण हे सगळं झालं 5 जुलैला. निवडणूक आयोगात शरद पवार गटाने दाखल केलेल्या कॅव्हेटच्या दुसऱ्या दिवशी.
वाचा >> अजित पवारांच्या बंडामुळे सुप्रिया सुळेंचं वाढलं टेन्शन, ‘हे’ असेल मोठं आव्हान
राष्ट्रवादी काँग्रेस पक्षाचा विधिमंडळातला आणि निवडणूक आयोगातला कायदेशीर संघर्ष आता सुरू झाला आहे. या दोन्ही संघर्षात विशेषतः केंद्रीय निवडणूक आयोगामधल्या संघर्षासाठी राष्ट्रवादी काँग्रेस पक्षाची घटना अत्यंत महत्त्वाची ठरणार आहे. त्याच्या आधारेच पुढे निर्णय घेतला जाणं अपेक्षित आहे.
हे वाचलं का?
