NCP: अजित पवारांसह 40 आमदारांचं काय होणार, शरद पवारांनी ECI ला काय सांगितले?
Sharad Pawar Ajit Pawar ncp Split : राष्ट्रवादी काँग्रेसचे अध्यक्ष शरद पवार यांनी पक्षात फूट नसल्याचे केंद्रीय निवडणूक आयोगाला सांगितले. अजित पवारांसह 40 आमदारांचे सदस्यत्व रद्द करण्यात यावे, अशी मागणीही शरद पवारांनी केली.
ADVERTISEMENT
Sharad pawar ajit pawar ncp eci : राष्ट्रवादी काँग्रेसमध्ये फूट पडली. पण, शरद पवार अजूनही पक्षात फूट पडलेली नाही, असंच म्हणताहेत. शरद पवारांनी केंद्रीय निवडणूक आयोगाला सादर केलेल्या उत्तरात मोठी मागणी केली आहे. त्यामुळे अजित पवारांसह 40 आमदारांच्या सदस्यत्वाबद्दल अनिश्चितता निर्माण झाली आहे.
2 जुलै 2023 रोजी अजित पवार आणि इतर 8 आमदारांनी मंत्रिपदाची शपथ घेतली. पक्षातील सर्वाधिक आमदार आपल्या बाजूने असल्याचे सांगत अजित पवारांनी शिवसेना-भाजप युती सरकारला पाठिंबा दिला. त्यानंतर अजित पवार गटाने थेट राष्ट्रवादी काँग्रेस नाव आणि निवडणूक चिन्हावर दावा केला.
केंद्रीय निवडणूक आयोगाने राष्ट्रवादीच्या दोन्ही गटांच्या अर्जावर कार्यवाही सुरू केली आहे. दोन्ही गटांचे पक्ष ताब्यात घेण्यासाठी वेगवेगळे दावे आहेत. दाव्यांची चौकशी करण्यासाठी आयोगाने दोघांनाही नोटीस बजावून उत्तर देण्यास सांगितले होते. अजित पवार गटाने जबाब नोंदवला होता.
हेही वाचा >> अजित पवार गटाची ऑफर…रोहित पवारांनी का नकार दिला?
राष्ट्रवादी काँग्रेसच्या शरद पवार गटाने नाव, चिन्ह आणि नियंत्रणाच्या मुद्द्यावरून निवडणूक आयोगात उत्तर दाखल करून पक्षात कोणतीही फूट नसल्याचे सांगितले.
हे वाचलं का?
