Ajit Pawar Exclusive: '...त्यावेळी चूक झाली तर पवार साहेब सावरून घ्यायचे', अजितदादांची बेधडक मुलाखत
Ajit Pawar: अजित पवार यांनी मुंबई Tak ला दिलेल्या एक्सक्लुझिव्ह मुलाखतीत काही महत्त्वाची विधानं केली आहेत. पाहा शरद पवारांबाबत नेमकं काय म्हणाले अजित पवार.
ADVERTISEMENT
बातम्या हायलाइट
अजित पवार यांची मुंबई Tak सोबत खास बातचीत
अजित पवारांची संपूर्ण मुलाखत
अजित पवारांनी जनसन्मान यात्रा नेमकी का केली सुरू?
Ajit Pawar Jan Sanman Yatra: नाशिक: विधानसभा निवडणुकीआधी राष्ट्रवादी काँग्रेसचे (अजित पवार गट) राष्ट्रीय अध्यक्ष अजित पवार यांनी थेट जनतेत जाण्याचा निर्णय घेतला आहे. त्यासाठी त्यांच्या पक्षाच्या वतीने जनसन्मान यात्रेचं नियोजन हे करण्यात आलं आहे. ज्याची सुरुवात ही नाशिक जिल्ह्यातून करण्यात आली आहे. याच यात्रेच्या सुरुवातीला अजित पवार यांनी मुंबई Tak ला एक विशेष मुलाखत दिली. ज्यामध्ये त्यांनी अनेक विषयांवर त्यांची रोखठोक मतं व्यक्त केली. (ajit pawar exclusive if there was a mistake at that time sharad pawar saheb would take care of me ajitdada fearless interview)
सुरुवातीलाच अजित पवार यांनी हे देखील मान्य केलं की, आतापर्यंत त्यांच्याकडे पक्षाची जबाबदारी नव्हती. त्यामुळे काही चूक झाली की पवार साहेब त्यांना सावरून घेत होते. पण आता मात्र, जबाबदारी असल्याने तोलून-मापून बोलावं लागतं. याशिवाय इतरही अनेक प्रश्नांची अजितदादांनी दिलखुलास उत्तरं दिलं आहेत.
अजित पवारांची संपूर्ण मुलाखत जशीच्या तशी...
1. प्रश्न: अजितदादा सध्या तुम्ही खूप हसत आहात, महिलांशी चर्चा करत आहात.. एक नवीन रुप पाहायला मिळतंय, हा मेकओव्हर नेमका काय?
अजित पवार: साहिलजी, चर्चा होणार.. कोणत्याही गोष्टीची चर्चा होणार. मी अत्यंत नम्रतापूर्वक सांगतो. इतके दिवस मी राष्ट्रवादी काँग्रेस पक्षाच्या राष्ट्रीय अध्यक्ष पदाची जबाबदारी स्वीकारण्याआधी आदरणीय नेते पवार साहेबांच्या नेतृत्वाखाली काम करत होतो. ज्यावेळेस तुम्ही एखाद्या नेत्याच्या किंवा वडीलधाऱ्यांच्या मार्गदर्शनाखाली काम करतात तेव्हा त्यावेळेस तुमच्यावर जबाबदारी नसते.
हे वाचलं का?
