Unmesh Patil : भाजपला झटका! विद्यमान खासदार ठाकरेंच्या सेनेत करणार प्रवेश?
Unmesh Patil Uddhav Thackeray : उद्धव ठाकरेंच्या भेटीनंतर उन्मेष पाटील भाजप सोडून शिवसेनेत प्रवेश करणार असल्याची सूत्रांची माहिती.
ADVERTISEMENT
बातम्या हायलाइट
जळगाव लोकसभा मतदारसंघ निवडणूक २०२४
भाजपचे उन्मेष पाटील शिवसेनेच्या (ठाकरे) वाटेवर
भाजपच्या विद्यमान खासदाराला ठाकरे उतरवणार मैदानात
Lok Sabha Election 2024 Unmesh Patil : लोकसभा निडवणुकीच्या तयारीत गुंतलेल्या भाजपला जळगावमध्ये झटका बसण्याची शक्यता आहे. जळगावचे विद्ममान खासदार उन्मेष पाटील यांचे भाजपने तिकीट कापले. तेव्हापासून ते शिवसेनेत प्रवेश करणार असल्याच्या चर्चा होत्या. आता ते आपल्या सहकाऱ्यांसह खासदार संजय राऊत यांची भेट घेणार आहेत. त्यानंतर उद्धव ठाकरे यांच्याशी त्यांची भेट होणार असल्याची माहिती सूत्रांनी दिली. (Unmesh Patil may be quit BJP)
भाजपने जळगाव लोकसभा मतदारसंघातून विद्यमान खासदार उन्मेष पाटील यांचे तिकीट कापले. त्यांच्याऐवजी स्मिता वाघ यांना लोकसभेची उमेदवारी देण्यात आली. त्यामुळे ते नाराज असून, भाजप सोडण्याच्या तयारीत आहेत. तशा हालचाली सध्या त्यांच्याकडून सुरू आहेत.
ठाकरेंच्या शिवसेनेत प्रवेश करणार?
उन्मेष पाटील यांचे तिकीट कापण्याआधीपासूनच ही चर्चा सुरू होती की, भाजपने डावलल्यास ते पक्षांतर करू शकतात. भाजपने स्मिता वाघ यांना उमदेवारी दिल्यानंतर ते नाराज झाले. ते आता शिवसेनेते (उद्धव बाळासाहेब ठाकरे) प्रवेश करणार असल्याची चर्चा मतदारसंघात आहे.
दरम्यान, मंगळवारी (2 एप्रिल) उन्मेष पाटील हे आपल्या काही सहकाऱ्यांसह मुंबईत आले. ते राऊत यांच्या भांडुप येथील निवासस्थानी गेले. मात्र, तिथे आमदार सुनील राऊत यांच्यासोबत त्यांची भेट झाली. आता ते संजय राऊत आणि उद्धव ठाकरे यांची मुंबईत भेट घेणार आहेत.
हे वाचलं का?
