सातारा ड्रग्स प्रकरण: शिंदेच्या शिवसेनेतील 'त्या' नेत्यावर काँग्रेसकडून संशय, खळबळ उडवून देणारं नेमकं प्रकरण काय?
सातारा ड्रग्स प्रकरणात राजकीय कनेक्शन असल्याचा आरोप करत काँग्रेसचे प्रदेशाध्यक्ष हर्षवर्धन सपकाळ यांनी फडणवीस सरकारवर गंभीर आरोप केले आहेत. याबाबत त्यांनी काही प्रश्न उपस्थित करत सरकारला धारेवर धरलं आहे.
ADVERTISEMENT
सातारा: सातारा जिल्ह्यात नुकत्याच उघडकीस आलेल्या ड्रग्स निर्मिती प्रकरणाने राज्यात खळबळ उडवली आहे. या प्रकरणात 7.5 किलो एमडी ड्रग्स, 38 किलो द्रवरूप अमली पदार्थ आणि मोठ्या प्रमाणात कच्चा माल जप्त करण्यात आला असून, त्याची किंमत अंदाजे 115 कोटी रुपये एवढी आहे.
हे प्रकरण केवळ अंमली पदार्थांच्या उत्पादनापुरते मर्यादित नसून, त्यात राजकीय नेत्यांच्या निकटवर्तीयांचा सहभाग असल्याचा आरोप काँग्रेसचे प्रदेशाध्यक्ष हर्षवर्धन सपकाळ यांनी केला आहे. त्यांच्या सोशल मीडिया पोस्टमध्ये फडणवीस-शिंदे-पवार सरकारवर गंभीर आरोप करत 'उडता महाराष्ट्र' होण्याच्या धोक्याकडे लक्ष वेधले आहे.
या आरोपांमुळे राजकीय वातावरण तापले असून, विरोधक सरकारवर कव्हर-अपचा आरोप करत आहेत. याशिवाय हर्षवर्धन सपकाळ यांनी उपमुख्यमंत्री एकनाथ शिंदे यांच्या पक्षाचे नगरसेवक प्रकाश शिंदे यांचे नाव घेत नवी खळबळ उडवून दिली आहे.
हे ही वाचा>> धक्कादायक... उपमुख्यमंत्री एकनाथ शिंदे यांच्या गावापासून जवळच सापडला 115 कोटींचा ड्रग्स साठा; क्राईम ब्रांचने 'असा' मारला छापा!
सपकाळ यांच्या पोस्टनुसार, हे सरकार 'वोटचोरी' करून सत्तेवर आले असून, आता ड्रग्स प्रकरणातही बनावबनवी करत आहे. ते म्हणतात, "ड्रग्स प्रकरणात देखील बनवाबनवी वोटचोरी करून सत्तेवर बसलेले फडणवीस-शिंदे-पवार सरकार आता 'उडता महाराष्ट्र' करूनच थांबणार आहे का? ड्रग्स निर्मिती करणाऱ्यांना पाठीशी घालणाऱ्या सरकारने सातारा ड्रग्स प्रकरणात पुढील प्रश्नांची उत्तरे द्यावीत." या पोस्टमध्ये त्यांनी अनेक संवेदनशील प्रश्न उपस्थित केले आहेत.
हे वाचलं का?
