IPS अंजना कृष्णा यांना 'इतना डेरिंग...' असं म्हणणाऱ्या अजितदादांचं स्पष्टीकरण, म्हणाले.. 'मला तर महिला अधिकाऱ्यांचा सर्वोच्च आदर..'
Ajit Pawar Viral Audio Clip: आयपीएस अधिकारी अंजना कृष्णा यांना तुमच्यावर कारवाई करेन, तुम्ही एवढं धाडस करता का? असं म्हणणाऱ्या उपमुख्यमंत्री अजित पवार यांनी आता या सगळ्या प्रकाराबाबत स्पष्टीकरण दिलं आहे.
ADVERTISEMENT
सोलापूर: महिला IPS अधिकारी अंजना कृष्णा यांना फोन कॉलवरून कारवाई थांबविण्याचे आदेश देत असल्याचा एक व्हिडिओ तुफान व्हायरल झाल्याने महाराष्ट्राचे उपमुख्यमंत्री अजित पवार हे चांगलेच अडचणीत आले आहेत. ज्यानंतर त्यांच्यावर विरोधकांनी जोरदार टीकाही केली. त्यामुळे आता अजित पवारांनी या सगळ्या प्रकरणात सोशल मीडियावरून स्पष्टीकरण द्यावं लागलं आहे. या स्पष्टीकरणात अजित पवार म्हणतात की, ते कायदा आणि सुव्यवस्थेत हस्तक्षेप करत नव्हते, तर तर त्या ठिकाणी परिस्थिती शांत रहावी आणि ती अधिक बिघडू नये याची काळजी घेण्याचा
'मे तेरे उपर अ‍ॅक्शन लूंगा... इतना डेरिंग हुआ है क्या?', आधी महिला IPS असं म्हणाले आता अजित पवारांचं स्पष्टीकरण
'सोलापूर जिल्ह्यातील पोलीस अधिकाऱ्यांसोबतच्या संवादाच्या संदर्भात काही व्हिडिओ समाजमाध्यमांवर प्रसारित होत आहेत. मी स्पष्टपणे सांगू इच्छितो की, माझा उद्देश कायद्याच्या अंमलबजावणीमध्ये हस्तक्षेप करण्याचा नव्हता, तर त्या ठिकाणी परिस्थिती शांत रहावी आणि ती अधिक बिघडू नये याची काळजी घेण्याचा होता.'
हे ही वाचा>> महिला आयपीएस अंजली कृष्णा अजित पवारांना थेट नडल्या, वाळू तस्करी करणाऱ्यांचे उपटले कान, फोन कॉलवर काय घडलं?
'आपल्या पोलीस दलाबद्दल तसंच धैर्यानं आणि प्रामाणिकपणे आपलं कर्तव्य बजावणाऱ्या महिला अधिकाऱ्यांबद्दल मला सर्वोच्च आदर आहे. माझ्यासाठी कायद्याचं राज्य हेच सर्वात महत्त्वाचं आहे.'
'मी पारदर्शक प्रशासकीय कारभारासाठी आणि बेकायदेशीर वाळू, माती, खडक उपशासह प्रत्येक बेकायदेशीर कृतीवर कायद्याप्रमाणे कठोर कारवाई करण्यासाठी कटिबद्ध आहे.' असं स्पष्टीकरण आता अजित पवार यांनी दिलं आहे.
हे वाचलं का?
