ओमराजे निघून गेले, ठाकरेंसोबत किती शिवसैनिक? मतदारसंघातून ग्राऊंड रिपोर्ट

dharashiv politics : धाराशिवचे खासदार ओमराजे निंबाळकर यांनी शिंदे यांच्या शिवसेनेत प्रवेश केल्यानंतर धाराशिवमध्ये उद्धव ठाकरे यांच्या सभेपूर्वी शिवसैनिकांमध्ये तीव्र भावना व्यक्त होताना दिसल्या. 'मुंबई Tak' ने उद्धव ठाकरेंच्या सभेपूर्वी सभा स्थळी उपस्थित असलेल्या शिवसैनिकांशी संवाद साधला. यावेळी अनेक शिवसैनिकांनी आपण 1984 पासून शिवसेनेत कार्यरत असून आपली निष्ठा ही व्यक्तीशी नव्हे तर ठाकरे परिवाराशी असल्याचे सांगितले. ओमराजे निंबाळकर यांच्यासाठी नव्हे तर उद्धव ठाकरे आणि बाळासाहेब ठाकरे यांच्या विचारांसाठी आपण काम केले असल्याचा दावा कार्यकर्त्यांनी केला. त्यांनी ओमराजे यांच्या पक्षांतराला गद्दारी संबोधत त्यांच्या निर्णयावर तीव्र नाराजी व्यक्त केली.