पाकिस्तानला युद्धबंदीचा अर्थ समजतो का? Trump यांच्या घोषणेनंतरही काश्मीरमध्ये ड्रोन हल्ले, तुफान गोळीबार सुरू
भारत आणि पाकिस्तानमधील 86 तास चाललेले युद्ध शनिवारी संध्याकाळी 5 वाजता संपल्याची घोषणा करण्यात आली. पण त्यानंतर अवघ्या 3 तासांतच पाकिस्तानने युद्धबंदीचे उल्लंघन केले आहे.
ADVERTISEMENT
जम्मू-काश्मीर: भारत आणि पाकिस्तानमधील 86 तास चाललेले युद्ध शनिवारी (10 मे) संध्याकाळी 5 वाजता संपल्याची घोषणा स्वत: अमेरिकेचे राष्ट्राध्यक्ष डोनाल्ड ट्रम्प यांनी केली होती. दोन्ही देशांमध्ये युद्धबंदीवर सहमती झाली आहे असं ट्वीटही त्यांनी केलं होतं. पण त्यानंतर अवघ्या 3 तासांतच पाकिस्तानने युद्धबंदीचे उल्लंघन केलं आहे. त्यामुळे पाकिस्तानला युद्धबंदीचा अर्थ समजतो का? असा सवाल विचारला जात आहे.
ट्रम्प यांच्या घोषणेनंतरही पाकिस्तान सुधारलं नाही, भारतावर पुन्हा एकदा हल्ला
जम्मू आणि काश्मीरमध्ये सीमेपलीकडून पाकिस्तानच्या प्रक्षोभक कारवाया पुन्हा एकदा तीव्र झाल्या आहेत. शनिवारी रात्री, पाकिस्तानने अनेक भागात युद्धबंदीचे उल्लंघन केले आणि जोरदार गोळीबार केला, तर काश्मीरमधील बारामुल्ला जिल्ह्यात एका संशयित ड्रोनचा स्फोट झाला आहे.
मिळालेल्या माहितीनुसार, पाकिस्तानने अखनूर, राजौरी आणि आरएस पुरा आंतरराष्ट्रीय सीमेवर आर्टिलरी फायरिंग सुरू केली आहे. त्याचवेळी बारामुल्लामध्ये ड्रोन हल्ला देखील झाला आहे. जम्मूच्या पालनवाला सेक्टरमध्येही पाकिस्तानने शस्त्रसंधीचे उल्लंघन केले आहे.
दरम्यान, याचे काही व्हिडिओ देखील आता समोर आले आहेत. एएनआय या वृत्तसंस्थेने हा व्हिडिओ शेअर करत अशी माहिती दिली आहे की, उधमपूरमध्ये ब्लॅकआऊट करण्यात आला आहे. तसंच पाकिस्तानकडून सोडण्यात आलेले ड्रोन भारताच्या हवाई संरक्षण दलाने रोखलं आहे. याशिवाय भारतातील इतरही काही भागात पाकिस्तानकडून गोळीबार होत असल्याचं समजतं आहे.
हे वाचलं का?
