वरिष्ठांचा उमेदवारी अर्ज माघारी घेण्यासाठी निरोप, संतापलेल्या भाजप कार्यकर्त्यांनी आपल्याच उमेदवाराला घरात कोंडलं
Nagpur Mahanagar Palika Election 2026 : भाजपाचे पदाधिकारी किसन गावंडे यांनी प्रभाग 13-ड मधून बंडखोरी करत उमेदवारी अर्ज दाखल केला होता. सुरुवातीला पक्षाकडून त्यांच्या नावाला हिरवा कंदील मिळाल्याचं चित्र होतं. मात्र, शेवटच्या टप्प्यात पक्षाने अचानक भूमिका बदलत गावंडे यांना अर्ज माघारी घेण्याचा आदेश दिला. हा आदेश मिळताच गावंडे यांनी पक्षशिस्त पाळण्याची तयारी दर्शवली. पण हीच गोष्ट त्यांच्या समर्थकांच्या जिव्हारी लागली.
ADVERTISEMENT
बातम्या हायलाइट
वरिष्ठांचा उमेदवारी अर्ज माघारी घेण्यासाठी निरोप
संतापलेल्या भाजप कार्यकर्त्यांनी आपल्याच उमेदवाराला घरात कोंडलं
Nagpur Mahanagar Palika Election 2026 ,नागपूर : नागपूर महापालिकेच्या निवडणुकीत भाजपमध्ये अंतर्गत बंडाळी उफाळून आली असून, प्रभाग क्रमांक 13-ड मध्ये अक्षरशः राजकीय नाट्य पाहायला मिळालं. पक्षाच्या वरिष्ठांनी उमेदवारी अर्ज माघारी घेण्याचा निरोप दिल्यानंतर संतप्त कार्यकर्त्यांनी थेट आपल्या उमेदवारालाच घरात कोंडल्याची धक्कादायक घटना समोर आलीये. या घटनेमुळे नागपूरच्या राजकारणात एकच खळबळ उडाली आहे.
उमेदवारासह कुटुंबियांना घरातच कोंडलं
भाजपाचे पदाधिकारी किसन गावंडे यांनी प्रभाग 13-ड मधून बंडखोरी करत उमेदवारी अर्ज दाखल केला होता. सुरुवातीला पक्षाकडून त्यांच्या नावाला हिरवा कंदील मिळाल्याचं चित्र होतं. मात्र, शेवटच्या टप्प्यात पक्षाने अचानक भूमिका बदलत गावंडे यांना अर्ज माघारी घेण्याचा आदेश दिला. हा आदेश मिळताच गावंडे यांनी पक्षशिस्त पाळण्याची तयारी दर्शवली. पण हीच गोष्ट त्यांच्या समर्थकांच्या जिव्हारी लागली.
गावंडे अर्ज मागे घेणार असल्याची माहिती मिळताच त्यांच्या समर्थकांनी संताप व्यक्त केला. “अर्ज मागे घ्यायचा नाही,” अशी भूमिका घेत कार्यकर्त्यांनी थेट गावंडे यांच्या घराला कुलूप ठोकलं. इतकंच नाही, तर गावंडे यांच्यासह त्यांच्या कुटुंबीयांनाही घरातच डांबण्यात आलं. उमेदवारी अर्ज माघारी घेण्याचा शेवटचा दिवस असतानाच हा प्रकार घडल्याने तणाव अधिकच वाढला.
हेही वाचा : लग्नाला 14 दिवस उरले असताना नवरी समलिंगी मैत्रिणीसोबत फरार... लेसबिअन नात्याचं धक्कादायक प्रकरण
हे वाचलं का?
