"भारतीय पायलट ताब्यात नाही, आमचंच विमान...", पाकिस्तानी लष्कराचा मोठा दावा, 'ते' कबूल केलं

हे ही वाचा >> Ind vs Pak : भारतीय सैनिकांनी पाकिस्तानची नांगी ठेचली! 40 सैनिकांना केलं ठार, DGMO काय म्हणाले?

भारताशी झालेल्या या संघर्षामध्ये त्यांचं एक विमान खराब झालं. तसंच, पाकिस्तानने भारताच्या कोणत्याही विमानाचं नुकसान केल्याची माहिती त्यांनी दिली नाही. पीटीआयने दिलेल्या वृत्तानुसार, पाकिस्तानी लष्कराचे प्रवक्ते लेफ्टनंट जनरल अहमद शरीफ चौधरी म्हणाले, ही पत्रकार परिषद 'ऑपरेशन बुनियान-उल-मर्सूस' च्या कार्यवाही आणि निष्कर्षांवर आधारित आहे.

पाकिस्तानच्या लष्कराने काय म्हटलं? 

लेफ्टनंट चौधरी म्हणाले, 'एका पाकिस्तानी विमानाचं नुकसान झालं आहे. आम्ही त्याबद्दल तपशीलवार माहिती देऊ शकत नाही'. पत्रकार परिषदेदरम्यान, पाक लष्कराच्या प्रवक्त्यांना विचारण्यात आलं की भारतीय पायलट पाकिस्तानच्या ताब्यात आहे का? त्यावर त्यांनी कोणताही भारतीय पायलट पाकिस्तानच्या ताब्यात नाही. अशा सर्व बातम्या सोशल मीडियावर चालणाऱ्या अफवांवर आधारित आहेत असं म्हटलं. पाकिस्तानी लष्कराचे प्रवक्ते लेफ्टनंट जनरल अहमद शरीफ चौधरी यांनी दावा केला की त्यांची लष्करी कारवाई 'अचूक, संतुलित आणि संयमी' होती.

पाकिस्तानचा दावा - 26 भारतीय लष्करी तळांवर हल्ला

हे ही वाचा >> CBSE Result 2025 : सीबीएसई बोर्डाचा निकाल कधी लागणार? 'या' लिंकवर पाहा रिझल्ट, 42 लाख विद्यार्थी..

लेफ्टनंट चौधरी यांनी दावा केला की, भारताने केलेल्या कारवाईला प्रत्युत्तर म्हणून पाकिस्तानने 26 भारतीय लष्करी तळांवर हल्ला केला.  
सुरतगड, सिरसा, भुज, नालिया, अधमपूर, भटिंडा, बर्नाला, हलवारा, अवंतीपुरा, श्रीनगर, जम्मू, उधमपूर, मामुन, अंबाला आणि पठाणकोटमधील भारतीय लष्करी तळांवर हल्ला करण्यात आल्याचा दावा पाकिस्तानने केला. यासोबतच बियास आणि नागरोटामधील ब्रह्मोस क्षेपणास्त्र स्टोरेज सेंटरवरही हल्ला केल्याचं म्हटलं आहे.