‘मला विरोधी पक्ष नेतेपद नको, फक्त…’, शरद पवारांसमोरच अजितदादांनी टाकला नवा बॉम्ब

सुप्रिया सुळे यांची राष्ट्रवादीच्या कार्यकारी अध्यक्ष पदी नियुक्ती झाल्यापासून अजित पवार हे नाराज असल्याची जोरदार चर्चा होती. मात्र, आज हीच नाराजी पुन्हा एकदा जाहीरपणे समोर आली आहे. वर्धापन दिनाच्या कार्यक्रमात बोलताना अजित पवार यांनी जाहीरपणे सांगितलं की, ‘राज्याच्या विरोधी पक्षनेते पदामध्ये मला अजिबात रस नाही. त्याऐवजी पक्षात मला कोणतंही पद द्या.’

हे ही वाचा >> सुप्रिया सुळे मुख्यमंत्री तर आदित्य उपमुख्यमंत्री, ठाकरे-पवार डीलमुळे शिवसेना फुटली ?

‘मला विरोधी पक्ष नेते पदातून आता मुक्त करा.. आणि संघटनेची जबाबदारी द्या.. आणि मग कशा पद्धतीने पक्ष चालतो… अर्थात हा अधिकार नेते मंडळींचा आहे. पण माझी इच्छा आहे.. बाकीचे वेगवेगळे इच्छा प्रदर्शित करतात. आजपर्यंत पक्षाने जी जबाबदारी दिली ती जबाबदारी मी पार पाडली आहे. त्यामुळे थोडं संघटनेत कुठलंही पद द्या. काय कसलंही पद द्या.. तुम्हाला जे योग्य वाटेल ते द्या. त्या पदाला न्यायच दाखवून देईल. एवढा शब्द देतो मी..’ असं अजित पवार यावेळी म्हणाले.

पवारांसमोरच अजितदादांनी टाकला नवा बॉम्ब

‘नव्या चेहऱ्यांना लोकसभा-विधानसभेला संधी देण्याचं प्रयत्न करतोय. साहेबांचं त्याकडे लक्ष आहे. मला एवढंच सांगायचं आहे. की, मला गेल्या 30-32 वर्षात.. म्हणजे 1991 साली मी खासदार झालो. त्याआधी बँकेचा चेअरमन होतो. रमेश आप्पांनी सांगितलं.. तालुक्यात काय करता.. जिल्ह्यात या. बँकेत आल्यावर तुम्हाला जिल्हा माहीत होईल. म्हटलं बँकेत कसं येणार.. म्हटलं आमचं तिथे जमतच नाही तर कसं येणार बँकेत निवडून..’