पैठणच्या आमदाराने बाहेरुन मतदार आणल्याचं सांगितलं, शिंदेंनी डोळा मारुन दाढीवरुन हात फिरवला, राज ठाकरेंचा हल्लाबोल

Raj Thackeray on Eknath Shinde, Mumbai : "यांची हिंमत कुठपर्यंत गेली आहे पाहा. सत्ताधारी पक्षातील आमदार सांगतो की, माझ्या मतदारसंघात मी 20 हजार मतदार बाहेरुन आणले. जाहीररित्या भाषणात बोलतो. पैठणचे  भूमरे म्हणून आमदार आहेत. त्यादिवशी त्यांनी भाषण केलं. त्या भाषणात त्यांनी हे सांगितलं. त्यानंतर शिंदेंनी डोळा मारला किंवा दाढीवरुन हात फिरवून सांगितलं. मग लगेच तो आमदार म्हणाले, नाही नाही जे बाहेर गेले होते. स्थलांतरीत होते, त्यांना मी आणलं", असं म्हणत मनसे अध्यक्ष राज ठाकरे यांनी शिंदेंचे पैठणचे आमदार भुमरे यांचा व्हिडीओ भर सभेत दाखवला. मुंबईत मनसेचा मेळावा पार पडला. यावेळी राज ठाकरेंनी निवडणूक आयोगासह सत्ताधारी पक्षावर जोरदार निशाणा साधला. यावेळी त्यांचा लाव रे तो व्हिडीओचा प्रयोग पुन्हा एकदा पाहायला मिळाला. पंतप्रधान नरेंद्र मोदी, शिंदेंचे आमदार संजय गायकवाड आणि भाजपच्या आमदार मंदा म्हात्रे यांचेही व्हिडीओ यावेळी राज ठाकरेंनी दाखवले.