Maharashtra Bandh: उद्धव ठाकरे उद्या स्वत: चौकात जाऊन बसणार, ठाकरेंची एक घोषणा अन्...
Uddhav Thackeray on Maharashtra Bandh: महाराष्ट्र बंद मागे घेण्यात आला असला तरीही उद्धव ठाकरे हे स्वत: उद्या (24 ऑगस्ट) शिवसेना भवन येथील चौकात जाऊन काळे झेंडे फडकवत निषेध व्यक्त करणार आहेत.
ADVERTISEMENT
Uddhav Thackeray: मुंबई: बदलापूरमधील लैंगिक अत्याचार प्रकरणाचा निषेध व्यक्त करण्यासाठी महाविकास आघाडी आणि विरोधकांकडून उद्या (24 ऑगस्ट) महाराष्ट्र बंदची हाक देण्यात आली होती. मात्र, या बंदविरोधात गुणरत्न सदावर्ते यांनी हायकोर्टात धाव घेतली होती. ज्यावर आज (23 ऑगस्ट) कोर्टाने अशा प्रकारचा बंद करण्यास मनाई केली. ज्यानंतर महाविकास आघाडीने बंद मागे घेतला. पण असं करताना शिवेसना (UBT) चे पक्षप्रमुख उद्धव ठाकरेंनी एक अशी घोषणा केली की, आता या सगळ्याचं चित्रच पालटून गेलं आहे. (uddhav thackeray himself will sit in the square a big announcement made while withdrawing the maharashtra bandh shiv sena ubt badlapur school case)
महाराष्ट्र बंदला कोर्टाने मनाई केल्यानंतर सर्वात आधी राष्ट्रवादी काँग्रेस (SP)चे शरद पवार यांनी बंद मागे घेत असल्याची घोषणा केली. त्यापाठोपाठ काँग्रेस आणि शिवसेना (UBT) पक्षाने देखील बंद मागे घेत असल्याची घोषणा केली.
हे ही वाचा>> Maharashtra Bandh : 'उद्याचा महाराष्ट्र बंद मागे घ्या', पवारांनी अचानक का घेतला असा निर्णय?
दरम्यान, बंद मागे घेण्याची घोषणा करतानाच उद्धव ठाकरेंनी एक असा डाव टाकला की, ज्यामुळे आता सरकारसमोर नवा पेच निर्माण होऊ शकतो.
कोर्टाने बंद करण्यास मनाई केल्यानंतर उद्धव ठाकरे यांनी असं जाहीर केलं की, जरी त्यांचा पक्ष बंद मागे घेत असला तरीही बदलापूर प्रकरणाचा निषेध नोंदविण्यासाठी ते उद्या स्वत: शिवसेना भवन येथील चौकात जाऊन तोंडाला काळी फित लावून बसणार आहेत. आपल्याप्रमाणेच इतर नेते आणि कार्यकर्त्यांनी देखील अशाप्रकारे निषेध नोंदवावा असं आवाहन उद्धव ठाकरेंनी यावेळी केला आहे.
हे वाचलं का?
